ކުޑަކުއްޖަކާއި މެދު ޖިންސީ އަމަލު ހިންގި މީހަކު 15 އަހަރަށް ޖަލަށް ލުުމަށް ހުކުމް ކޮށްފި

އިތުބާރު ކުރެވެ މަގާމެއްގައި ހުރެ ކުޑަ ކުއްޖަކާއި މެދު ޖިންސީ އަމަލު ހިންގި ކަމުގެ ކުށް ސާބިތުވި މީހަކު 15 އަހަރަށް ޖަލަށް ލުމަށް ހދ ކުޅުދުއްފުށީ މެޖިސްޓްރޭޓް ކޯޓުން ހުކުމް ކޮށްފި އެވެ.

މި ހުކުމް އިއްވާފައިވަނީ މިދޔަ އޭޕްރިލް މަހު 14 ވަނަ ދުވަހު ހ. ސަކީނާވިލާ، އާދަމް ޢަލީ (57އ) ގެ މައްޗަށެވެ.

އިތުބާރުކުރެވޭ މަގާމެއްގައި ހުރެ ކުޑަކުއްޖަކާމެދު ޖިންސީ އަމަލެއް ހިންގުކުމުގެ ކުށުގެ ދައުވާ އުފުލާފައިވަނީ އާދަމް އަލީ ތަފާތު އެކި ދުވަސްމަތިން ކުޑަކުއްޖަކާމެދު ބަދުއަހުލާގީ އަމަލު ހިންގާފައިވާތީ، ކުޑަކުދިންނަށް ޖިންސީ ގޯނާކުރާ މީހުންނާމެދު ހާއްސަ އުސޫލަކަށް އަމަލު ކުރުމުގެ ގާނޫނުގެ ދަށުން، 2014 ޖެނުއަރީ 28 ވަނަ ދުވަހުއެވެ.

މި ދައުވާއަށް އާދަމް އަލީ އިންކާރު ކުރިނަމަވެސް ދައުލަތުން ހުށަހަޅާފައިވާ ހެކިންގެ ހެކިބަހުން އާދަމް އަލީގެ މައްޗަށް މި ދައުވާ ޝައްކެއް ނެތް މިންވަރަށް ޝަރީއަތަށް ސާބިތުވާކަމަށް މި ހުކުމް ގައި ވެއެވެ.

އެހެންކަމުން، އިތުބާރުކުރެވޭ މަގާމެއްގައި ހުރެ ކުޑަކުއްޖަކާމެދު ޖިންސީ އަމަލެއް ހިންގުކުމުގެ ކުށް އާދަމް އަލީގެ މައްޗަށް ސާބިތުވެއްޖެކަމަށް ކަނޑައަޅައި މި ކުށުގެ އަދަބެއްގެ ގޮތުން ކުޑަކުދިންނަށް ޖިންސީ ގޯނާކުރާ މީހުންނާމެދު ހާއްސަ އުސޫލަކަށް އަމަލު ކުރުމުގެ ގާނޫނުގެ ދަށުން އާދަމް އަލީ 15 އަހަރަށް ޖަލަށްލުމަށް ހުކުމް ކުރާކަމަށްވެސް ހދ. ކުޅުދުއްފުށި މެޖިސްޓްރޭޓް ކޯޓުން ކޮށްފައިވާ ހުކުމުގައި ވެއެވެ