އާދަޔާ ހިލާފަށް ކަރަންޓް ބިލު ބޮޑުވުމުން ގިނަ ރައްޔިތުންތަކެއްގެ ޝަކުވާ ލިބޭ

އޭޕްރީލްމަހުގެ ކަރަންޓް ބިލު އާދަޔާ ހިލާފަށް ބޮޑުވުމުން ގިނަ ރައްޔިތުންގެ ޝަކުވާ ލިބެމުން އަންނަ ކަމަށް ކުޅުދުއްފުށީ ކައުންސިލްގެ ރައީސް ވިދާޅުވެއްޖެ އެވެ.

ކުޅުދުއްފުށި އޮންލައިނާ ވާހަކަދައްކަވަމުން ކައުންސިލުގެ ރައީސް ވިދާޅުވީ ކުޅުދުއްފުށިގެ ގޭބިސީތަކުގެ މިދިޔަ މަހު އައި ކަރަންޓް ބިލު ބޮޑުވުމުން އެކަމުގެ ޝަކުވާ ވަރަށް ގިނަ ފަރާތްތަކުން އުފުލާފައިވާ ކަމަށެވެ.

އަދި އެކަމުގައި ކައުންސިލުން ފެނަކައާ ބައްދަލުކޮށްފައިވާ ކަމަށާއި ކަރަންޓްގެ އަގުތައް ކަނޑައަޅަނީ އެނާރޖީ އޮތޯރިޓީން ކަމުން އެކަމުގައި ފެނަކައަށް ކުރެވޭނެ މާބޮޑު ކަމެއް ނޯނަ ކަމަށް އަލީ ވިދާޅުވި އެވެ.

އަލީ ވިދާޅުވީ އެމައްސަލަ ނިމޭނީ ރައީސުލްޖުމްހޫރިއްޔާ ހިސާބުން ކަމަށާއި އެމައްސަލަ މިހާރު ރައީސުލްޖުމްހޫރިއްޔާއާ ހިސާބުގައި އޮތް ކަމަށް އޭނާ ވިދާޅުވި އެވެ

“ފެނަކައާ އެކު ބޭއްވި ބައްދަލުވުމުގައި އެމައްސަލަ މިހާރު އޮތީ ރައީސުލްޖުމްހޫރިއްޔާއާ ހިސާބުގައި ކަން އެގޭ. އެމަނިކުފާނު ގޮތެއް ނިންމެވީމަ ނިމޭ ހިސާބުގައި އެކަން އޮތް ކަމަށް އަޅުގަނޑުމެންނަށް މައުލޫމާތު ލިބިފައިވަނީ” އަލީ ވިދާޅުވި އެވެ..

އަލީ ވިދާޅުވީ މިކަމުގެ ކަންބޮޑުވުންފާޅުކޮށް ސަރުކާރުގެ ކަމާ ބެހޭ މުވައްސަސާތަކަށް ކައުންސިލުން ސިޓީ ފޮނުވުމަށް ތައްޔާރުވަމުން އަންނަ ކަމަށެވެ.