ކުރީގެ އަމީރު އަމީން ސްކޫލު ހުރި އިމާރާތުގައި މަތީ ތައުލީމްދޭ މަރުކަޒެއް ގާއިމްކޮށް، ހިންގުމަށް ބޭނުންވާ ފަރާތެއް ހޯދުމަށް ކުޅުދުއްފުށީ ކައުންސިލުން އިއުލާންކުރުމާ ގުޅިގެން މިހާތަނަށް 2 ފަރާތަކުން އެކަމުގެ މައުލޫމާތު ސާފުކޮށްފައިވާ ކަމަށް ކައުންސިލުން ހާމަކުރައްވައިފި އެވެ.
ކުޅުދުއްފުށީ ކައުންސިލުން ބުނީ މަތީ ތައުލީމް ފޯރުކޮށްދިނުމަށް ހުޅުވާލި ފުރުސަތުގައި މިހާތަނަށް 2 ފަރާތަކުން މައުލޫމާތު ސާފުކޮށްފައިވާ ކަމަށެވެ. އެހެންނަމަވެސް އެއީ ކޮން ދެފަރާތަކުން ކަމެއް ކައުންސިލުން ނުބުނެ އެވެ.
ކުރީގެ އަމީރު އަމީން ސްކޫލު ހުރި އިމާރާތުގައި މަތީ ތައުލީމްދޭ މަރުކަޒެއް ގާއިމްކުރުމަށް ބޭނުންވާ ފަރާތްތަކަށް ބިޑް ހުށަހެޅުމުގެ ފުރުސަތު ހަމަވާނީ މިމަހު 12 ވަނަ ދުވަހަށެވެ.
އެއިމާރާތް ކުއްޔަށް ދިނުމަށް ހަމަޖެހިފައިވަނީ 25 އަހަރުދުވަހަށެވެ.
ބީލަމާ ބެހޭ މައުލޫމާތު ދިނުން އޮންނާނީ މެއިމަހު 12 ވަނަ ދުވަހު 10:30 ގައި ކައުންސިލު އިދާރާގަ އެވެ. އަދި ބީލަން ހުޅުވުން އޮންނާނީ މެއިމަހު 19 ވަނަ ދުވަހުގެ 10:30 އެއިދާރާގެ ޖަލްސާކުރާ މާލަމުގަ އެވެ.
މިކަމާ ބެހޭ އިތުރު މައުލޫމާތެއް ބޭނުން ނަމަ އެއިދާރާގެ 6521174 އަދި 6521170 އިން މައުލޫމާތު ލިބިވަޑައިގަންނަވާނެ ކަމަށް އެއިދާރާއިން ބުނެ އެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
