އުތުރުގެ 12 ރަށެއްގައި ފުޓްސަލް ދަނޑު އަޅަނީ

ރާއްޖޭގެ ހުރިހާ ރަށެއްގައި ސްޕޯޓްސް އެރީނާތައް ގާއިމު ކުރުމުގެ ސިޔާސަތުގެ ދަށުން މީހުން ދިރިއުޅޭ 67 ރަށެއްގައި ފުޓްސަލް ދަނޑު އެޅުމުގެ ޕްރޮޖެކްޓްގެ ތެރެއިން އެންމެ އުތުރުގެ 3 އަތޮޅުގެ 12 ރަށެއްގައި ވެސް ފުޓްސަލް ދަނޑު އެޅިގެންދާނެ އެވެ.

އެގޮތުން މި ޕްރޮޖެކްޓްގެ ދަށުން ފުޓްސަލް ދަނޑު އަޅައި އުތުރުގެ 12 ރަށަކީ ހއ އުތީމް، ހއ ވަށަފަރު، ހއ ތުރާކު، ހދ ކުރިނބީ، ށ ފޭދޫ، ށ މާއުނގޫދޫ، ށ ފީވަށް، ށ މަރޮށި، ށ ގައިދޫ، ށ ބިއްލެފަހި، ށ ނަރުދޫ އަދި ށ ޅައިގަމެވެ

ޔޫތު މިނިސްޓްރީން މޯލްޑިވްސް ރޯޑް ޑިވަލޮޕްމެންޓް ކޯޕަރޭޝަން (އެމްއާރުޑީސީ)އާ ހަވާލުކޮށްގެން ކުރިއަށް ގެންދާ މިމަޝްރޫއުގައި ކޮންމެ ފުޓްސަލެއް ދަނޑެއްވެސް 75 ދުވަސް ތެރޭގައި ނިންމަން ޖެހެ އެވެ.

އެގޮތުން މި 12 ދަނޑު އަޅައި ނިމޭނީ މިއަހަރުގެ ނޮވެމްބަރުމަހުގެ ތެރޭގަ އެވެ.