ހައިޑްރޮޕޯނިކްސް ތަމްރީން ޕްރޮގްރާމުގައި ބައިވެރިވުމުގެ ފުރުސަތު ހުޅުވާލައިފި

ޖުލައި މަހު 14 އިން 24 އަށް ކުޅުދުއްފުށީގައި ބޭއްވުމަށް ހަމަޖެހިފައިވާ ހައިޑްރޮޕޯނިކްސް އާއި ގުޅޭ ތަމްރީން ޕްރޮގްރާމުގައި ބައިވެރި ވުމުގެ ފުރުސަތު ހުޅުވާލައިފި އެވެ.

ކުޅުދުއްފުށީ ކައުންސިލް އިދާރާއި މިނިސްޓްރީ އޮފް ފިޝަރީޒް އެންޑް އެގުރިކަލްޗަރ ގުޅިގެން ބޭއްވުމަށް ހަމަޖެހިފައިވާ މި ތަމްރީން ޕްރޮގްރާމުގައި ދަނޑުވެރިކަން ކުރަމުން ގެންދާ ފަރާތްތަކަށާއި އަލަށް ދަނޑުވެރިކަން ކުރުމަށް ޝައުގުވެރިކަން ހުންނަ ފަރާތްތަކަށް ބައިވެރިވުމުގެ ފުރުސަތު ވަނީ ހުޅުވާލެވިފަ އެވެ.

އެގޮތުން މި ތަމްރީން ޕްރޮގްރާމުގައި ބައިވެރިވުމަށް ބޭނުންވާ ފަރާތްތަކުން މި މަހު 17 ވަނަ ދުވަހު އޮފީސް ބަންދު ކުރުމުގެ ކުރިން ޕްރޮގްރާމުގައި ބައިވެރިވުމަށް އެދޭ ފޯމް ހުށައެޅުއްވުމަށް ކައުންސިލްގެ ފަރާތުން އެދެއެވެ.

ފޯމް ލިބެން ހުންނާނީ ރަސްމީ ގަޑީގައި ކައުންސިލް އިދާރާގެ ކައުންޓަރުންނެެވެ.