ގިނަ މުދަލާއެކު ޓޫފޯޓޫ ބޯޓުގެ ބޮޑު ބައެއް އަނދައި ހުލިވެއްޖެ

އިހަވަންދޫ ޓޫފޯޓޫ ބޯޓުން ގެނައި ގިނަ އަދަދެއްގެ މުދަލާއެކު ބޮޑު ބައެއް އަނދައި ހުއްލިވެއްޖެ އެވެ.

މިއަދު މެންދުރު 11 ޖަހާއިރު މާރަންދޫ ފަޅުތެރޭގައި  އޮތް ޓޫފޯޓޫ ބޯޓްގެ ބޮޑު ބައެއް އަނދައި ހުއްލިވެއްޖެ އެވެ.

ބޯޓުގައި ރޯވެފައިވާ އަލިފާންގަނޑު ކޮންޓްރޯލް އަދިވެސް ކުރެވިފައިނުވާއިރު ބޯޓްގެ މަތީ ބައިވަނީ އެއްކޮށްހެން އަނދައި ހުލިވެފައިވެ އެވެ. ބަނދަރުގައި އަޅައިފައި ހުރި ވާ ތައް ކަނޑައިގެންގޮސް އޮޔާއިއެކު ބޯޓް މިހާރު ވަނީ މާރަންދޫ ފަޅުތެރެއިން ބޭރުވެފަ އެވެ.

އަލިފާން ނިންވުމުގެ މަސައްކަތުގައި ފުލުހުންނާއި ރައްޔިތުންގެ އިތުރުން ކައިރި ރިސޯޓްތަކުން ދަނީ ހަރަކާތްތެރިވަމުންނެވެ.

މިހާދިސާގައި އެއްވެސް މީހަަކަށް އަނިޔާވިކަމުގެ ހަބަރު އަދި ލިބިފައެއް ނުވެ އެވެ.