މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރިއަށް ކުރަމުންދާ މަސައްކަތުގެ ތެރެއިން ހއ. ދިއްދޫގައި ޓްރެފިކް އޮޕަރޭޝަނެއް ހިންގާ 86 އުޅަނދެއް ބަލައި ފާސްކޮށް ގަވާއިދާ ހިލާފުވި 10 ފަރާތަކާއި މެދު ފިޔަވަޅު އަޅައިފި އެވެ.
އިއްޔެ ކުރިއަށް ގެންދިޔަ މި އޮޕަރޭޝަނުގައި ދިއްދޫގައި މަސައްކަތްކުރާ ފުލުހުން ވަނީ ދިއްދޫގެ އެކި ސަރަޙައްދުތަކުގައި ވެހިކަލް ޗެކް ޕޮއިންޓްތައް ޤާއިމްކޮށް، އެއްގަމު އުޅަނދު ދުއްވުމުގެ ލައިސަންސް އާއި އަހަރީ ފީއާއި ރޯޑްވަރދިނަސް އަދި އިންސުއަރެންސް މުއްދަތު ހަމަވެފައިވޭތޯ ބަލާފަ އެވެ. އެގޮތުން މި އޮޕަރޭޝަނުގައި 77 ސައިކަލަކާއި 5 ކާރަކާއި 4 ޕިކަޕު ބަލާ ފާސްކޮށްފައި ވެއެވެ.
އަދި މުއާސަލާތީ ވަސީލަތްތައް ބޭނުންކުރަމުން ދުއްވުމާއި އެއްގަމު އުޅަނދުގައި ދުންފަތުގެ އިސްތިޢުމާލު ކުރަމުން ދުއްވާތޯ ބެލުމުގެ އިތުރުން އެއްގަމު ދަތުރުފަތުރުގެ ޤާނޫނާއި ޤަވާޢިދާއި އެއްގޮތަށް އުޅަނދު ފަހަރު ދުއްވައިތޯ ވެސް މި އޮޕަރޭޝަންގައި ބަލާފައި ވެއެވެ.
އެގޮތުން މި އޮޮޕަރޭޝަނުގެ މަގުސަދަކީ ދިއްދޫގެ މަގުތަކަކީ އެންމެންނަށް އަމާން ރައްކާތެރިތަނަކަށް ހަދައި މަގުމަތީގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން ހިންގި އޮޕަރޭޝަނެއް ކަމަށް ފުލުހުން މައުލޫމާތު ދެއެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
