ހޯރަފުށީގައި ބޭންކުގެ އައު އިމާރާތެއް އަޅާނެ ފަރާތެއް ހޯދަނީ

ބޭންކް އޮފް މޯލްޑިވްސްގެ ބޭނުމަށް ހއ ހޯރަފުށިގައި އައު އިމާރާތެއް އަޅާނެ ފަރާތެއް ހޯދުމަށް އިއުލާން ކޮށްފި އެވެ.

ބޭންކުން އިއްޔެ ނެރެފައިވާ އިއުލާނުގައި ބުނެފައި ވަނީ ބޭންކުގެ އައު އިމާރާތުގެ މަސައްކަތަށް ފުރުސަތު ދެވޭނީ ހަމައެކަނި ހއ އަތޮޅުގައި މަސައްކަތްކުރާ ފަރާތްތަކަށް ކަމަށާއި މި ކަމަށް ޝައުގުވެރިވާ ފަރާތްތަކުން 19 މެއި 2016 ވާ ބުރާސްފަތި ދުވަހު މެންދުުރު 13:00 މައުލޫމާތު ސާފުކުރެއްވުމަށް ފަހު 26 މެއި 2016 ވާ ބުރާސްފަތި ދުވަހު 13:00އަށް އަންދާސީ ހުށައެޅުމަށެވެ.

އަންދާސީ ހިސާބު ހުށައެޅޭނީ ފުރުސަތު މައުލޫމާތު ސާފުކުރުމަށް ވަޑައިގަންނަވާ ފަރާތްތަކަށް ކަމަށާއި ބިޑް ކުރެއްވުމަށް ބޭނުންވާ ބިޑް ޑޮކިއުމެންޓުތައް ބޭންކް ގެ ވެބްސައިޓް www.bankodmaldives.com.mv އިން ލިބެން ހުންނާނެ ކަމަށް މި އިއުލާނުގައި ވެއެވެ.