ވިއެޓްނާމްގައި އޮންނަ އޭޝިއަން ޖޫނިއަރ އެތުލެޓިކްސް ޗެމްޕިއަންޝިޕްގައި ނަޝާ ވާދަކުރަނީ

ވިއެޓްނާމުގެ ހޯ ޗީ މިންޙް ސިޓީގައި އަންނަ ޖޫންމަހު އޮންނަ 17 ވަނަ އޭޝިއަން ޖޫނިއަރ އެތްލެޓިކްސް ޗެމްޕިއަންޝިޕްގައި ކުޅުދުއްފުށީގެ އެތުލީޓް ނަޝާ ނިޒާރު ވާދަކުރާގޮތަށް އެތުލެޓިކްސް އެސޯސިއޭޝަނުން ހަމަޖައްސައިފި އެވެ.

ޖޫން މަހުގެ 3ން 6ށް ވިއެޓްނާމްގެ އޮންނަ މި މުބާރާތަށް ރާއްޖެއިން ހޮވި ޓީމްގައި ނަޝާ ހިމެނިފައިވަނީ އެތްލެތީކްސް އެސޯސިއޭޝަނުން މިމަހުގެ 8 ން 9 ށް ކުރިއަށް ގެންދިޔަ ޓައިމް ޓްރަޔަލްއިން 1 ވަނަ ހޯދައިގެންނެވެ.

ޓައިމް ޓްރަޔަލް އިން 1 ވަނަ ހޯދައި ދަރިވަރެއްގެ ކޯޗު މި މުބާރާތައް ރާއްޖެއިން ހޮވޭ ޓީމްގެ ކޯޗްގެ ގޮތުގައި ހަމަޖެހިފައިވުމުގެ މިމުބާރާތުގައި ރާއްޖޭއިން ވާދަކުރާ ޓީމުގުގެ ކޯޗަކަށް ހޮވިފައިވަނީ ޖަލާލުއްދީން ސްކޫލްގެ ސްޕޯޓްސް ސްޕަރވައިޒަރ މުހައްމަދު ހަސަނެވެ.

މިދިޔަ އަހަރު މާލޭގައި ބޭއްވި ޤައުމީ އެތުލެޓިކްސް ޗެމްޕިއަންޝިޕްއިން 200 އާއި 400 މީޓަރު ދުވުމުން ނަޝާ ވަނީ ރަން މެޑެލް ހޯދައިފަ އެވެ.

މި ޓީމްގައި ދެން ހިމެނެނީ އެސޯސިއޭޝަންގެ ޓްރެއިނިންގ ޕޫލްއެއްގައި ހިމެނޭ އިބްރާހީމް މުހައްމަދާއި، އިސްކަންދަރު ސްކޫލްގެ އައިޝަތު ޒާރާ އާޠިފްއެވެ. މިޓީމްގެ މެނޭޖަރަކީ ސުލްތާން ސަޢީދެވެ.