އަޕަރ ނޯތު ޕޮލިސް ކޮމާންޑަރު ސާމީ، އަތޮޅު ކޮމާންޑަރުންނާ ބައްދަލުކުރައްވައިފި

އަޕަރ ނޯތު ޕޮލިސް ޑިވިޜަންގައި ދެމުންދާ ފުލުހުންގެ ޚިދުމަތްތައް މިހާރަށްވުރެ ހަރުދަނާކުރުމާއި ގުޅޭގޮތުން ނޯތު ޕޮލިސް ޑިވިޜަނާއި އަލަށް ހަވާލުވެލެއްވި ކޮމާންޑަރު އިންސްޕެކްޓަރ އޮފް ޕޮލިސް އަހުމަދު ސާމީ މިޑިވިޜަންގައި ހިމެނޭ އަތޮޅުތަކުގެ ކޮމާންޑަރުންނާ ބައްދަލުކޮށް މަޝްވަރާކުރައްވައިފިއެވެ.

އަޕަރ ނޯތު ޕޮލިސް ޑިވިޜަންގައި ހިމެނޭ ހއ، ހދ އަދި ށ. އަތޮޅުގެ ކޮމާންޑަރުންނާއެކު މި މެއި މަހުގެ 9 ވަނަ ދުވަހު ބޭއްވި މަސައްކަތު ބައްދަލުވުމުގައި ވަނީ ނޯތު ޕޮލިސް ޑިވިޜަންގައި ދެމުންދާ ފުލުހުންގެ ޚިދުމަތްތައް މިހާރަށްވުރެ ހަރުދަނާކުރުމާއި ގުޅޭގޮތުންނާއި ފުލުހުންގެ މަސައްކަތްތަކުގައި ހުރި ދަތިތަކާއި ގުޅޭގޮތުން  އެކަންކަން ހައްލުކުރުމަށް ކުރެވިދާނެ މަސައްކަތްތަކާއި ގުޅޭގޮތުން މަޝްވަރާކޮށްފައެވެ.

އެއްދުވަހުގެ މި މަސައްކަތު ބައްދަލުވުމުގައި ހއ. އަތޮޅު ކޮމާންޑަރު ޕޮލިސް ސްޓޭޝަން އިންސްޕެކްޓަރ މުޙައްމަދު ޢަބްދުﷲ އާއި ހދ. އަތޮޅު ކޮމާންޑަރު ޕޮލިސް  ޗީފް ސްޓޭޝަން އިންސްޕެކްޓަރ އަޙްމަދު ނަސީމް އާއި ށ. އަތޮޅު ކޮމާންޑަރު ސަބް އިންސްޕެކްޓަރ އޮފް ޕޮލިސް އިބްރާހިމް މުސްތަފާ ބައިވެރިވެލެއްވިއެވެ.