ކުޅުދުއްފުށީ ބާޒާރުން ބިސް ހުސްވެއްޖެ

ރޯދަމަސް ބޯމަތިވެފައިވަނިކޮށް ކުޅުދުއްފުށީ ބާޒާރުން ކުކުޅު ބިސް ހުސްވެއްޖެ އެވެ.

ހޯލްސޭލްކޮށް ކުޅުދުއްފުށީގައި ބިސް އެތެރެކޮށް ވިއްކާ ފަރާތަކުން ބުނީ ބާޒާރުން ބިސް ހުސްވެފައިވަނީ މާލެއިން ބިސް ނުލިބޭތީ ކަމަށެވެ.

ހޯލްސޭލްކޮށް މުދާ ވިއްކާ ވަފާ، މިންވަރު، އާޕޮއިންޓް، އެތުމާ، މިތުރު ގައި ބިސް ހުސްވެފައިވާއިރު އެފިހާރަތަކަށް ބިސް ލިބޭނެ ދުވަހެއް ވެސް ނޭނގެ އެވެ.

އެންމެ ފަހުން ކުޅުދުއްފުށީ ބާޒާރުން ބިސް ކޭހެއް ވިއްކާފައިވަނީ 300 ރުފިޔާ އާއި 400 ރުފިޔާގެ ދެމެދުގެ އަގުތަކެއްގަ އެވެ.

ކޮންމެ އަހަރުކުވެސް ރޯދަމަހާ ދިމާކޮށް ބާޒާރުން ބިސް ހުސްވާކަން ފާހަގަކުރެވެ އެވެ.