މާކިއުރީ ހާފް އައިލަންޑާސް ކަޕްގެ ޗެމްޕިއަންކަން ބ. ހިތާދޫއިން ހޯދައިފި އެވެ. މިއަދު ހަވީރު މާފަންނު ސްޓޭޑިއަމްގައި ކުޅުނު ފައިނަލް މެޗު ހިތާދޫއިން ކާމިޔާބުކުރީ މި މުބާރާތުގެ އެންމެ ފަހުގެ ޗެމްޕިއަންކަން ތ ތިމަރަފުށިގެ މައްޗަށް 1-0 އިން ކުރިހޯދައިގެންނެވެ.
މިއަދުގެ މެޗުގައި ފެނިގެންދިޔަ ހަމައެކަނި ލަނޑު ފެނިގެން ދިޔައީ މެޗުގެ 28 ވަނަ މިނެޓްގައި ގޯލު ކުރިމަތިން ލިބުނު ހިލޭ ޖެހުމެއްގައި އުފެއްދި ހަމަލާއަކުން މި މެޗުގެ މޮޅު ކުޅުންތެރިޔާގެ މަޤާމު ހޯދި ހިތާދޫ ޓީމުގެ ޖާޒީ ނަންބަރު 7 އަލީ ހައިޝަމް (ޗުމްޕު) އެވެ.
މި މެޗުގެ ފުރަތަމަ ހާފު އެއްވެސް ޓީމަކަށް ލަނޑެއް ޖެހިފައި ނުވާއިރު މާ ނުރައްކާތެރި ހަމަލާއެއްވެސް އުފެއްދިފައެއް ނުވެއެވެ. މެޗުގެ ދެވަނަ ހާފު ފަށައިގެން ހިތާދޫ ޓީމުން ރަނގަޅަށް ކުޅެ ލަނޑު ޖަހާފައިވެ އެވެ. މި ލަނޑާއެކު ތިމަރަފުށި ޓީމުން ލަނޑެއް ޖެހޭތޯ ހަމަލާތައް އުފައްދަމުން ދިޔަ ނަމަވެސް ހިތާދޫ ޓީމުގެ ގޯލު ކީޕަރ ވަނީ ވަރަށް ހުޝިޔާރު ކަމާއެކު މި ހަމަލާތައް ދިފާޢު ކޮށްފަ އެވެ.
މި މުބާރާތުގެ އެންމެ މޮޅު ކުޅުންތެރިޔަކަށް ހޮވިފައިވަނީ ޗެމްޕިއަން ހިތާދޫގެ ޖާޒީ ނަންބަރު 13 ހުޒައިފަތު ރަޝީދު (ހުޒޭ) އެވެ. ހުޒައިފަތުގެ އިތުރުން މޮޅު ފަސް ކުޅުންތެރިންނަށް ހޮވިފައިވަނީ ހިތާދޫގެ ޖާޒީ ނަންބަރު 11 އަހްމަދު ހުސައިން (ހުއްޓޭ) އާއި ތިމަރަފުށީ ޓީމުގެ ޖާޒީ ނަންބަރު 10 އިބްރާހިމް ހަމްދާން (ހަމްދޭ) އާއި އެ ޓީމުގެ ޖާޒީ ނަންބަރު 7 އިބްރާހިމް ސިނާން (ސިނާ) އަދި އަލިފުށީ ޓީމުގެ ޖާޒީ ނަންބަރު 11 އިބްރާހިމް މަމްދޫހް އެވެ.
މި މުބާރާތުގެ އެންމެ މޮޅު ގޯލު ކީޕަރަކަށް ހިތާދޫ ޓީމުގެ ކީޕަރ އަހްމަދު އިސްމާއީލް ހޮވިފައިވާއިރު، އެންމެ ގިނަ ގޯލު ޖެހި ކުޅުންތެރިޔާގެ މަޤާމަށް ދެ ކުޅުންތެރިޔަކު ހޮވިފައިވެ އެވެ. އެއީ ލ ގަން ޓީމުގެ ޖާޒީ ނަންބަރު 7 އަހްމަދު ހަލީމްގެ އިތުރުން މާއެނބޫދޫ ޓީމުގެ ޓީމުގެ ޖާޒީ ނަންބަރު މުހައްމަދު ޝާހް އެވެ. މިއިން ކޮންމެ ކުޅުންތެރިޔަކު މި މުބާރާތުގައި 12 ލަނޑު ޖަހައިފައިވެ އެވެ.
މި މުބާރާތުގެ އެންމެ އުއްމީދީ ކުޅުންތެރިޔަކަށް މާއެނބޫދޫ ޓީމުގެ މުހައްމަދު ޝާހް ހޮވުނުއިރު ފެއަރ ޕްލޭ ކުޅުންތެރިޔަކަށް ހޮވުނީ އަލިފުށި ޓީމުގެ މުހައްމަދު ރަޝީދު (ހޮކޭ) އެވެ. މުބާރާތުގެ އެންމެ މޮޅު ކޯޗަކަށް ހޮވުނީ ހިތާދޫ ޓީމުގެ ކޯޗު މަޒްހަރް އަބްދުﷲ އެވެ.
މި މުބާރާތުގެ ފެއަރ ޕްލޭ ޓީމަކަށް ދ މާއެނބޫދޫ ހޮވުނުއިރު، ކުޅިވަރުގެ ރޫހާ އެއްގޮތަށް އެންމެ ރަނގަޅަށް ސަޕޯޓް ކުރި ޓީމަކަށް ހޮވުނީ ހިތާދޫ ޓީމެވެ.
މިއީ ހާފް އައިލަންޑާސް ކަޕްގެ ތިންވަނަ މުބާރާތަށްވާއިރު މީގެ ކުރިން ބޭއްވުނު ދެ މުބާރާތުގައިވެސް ކުޅުދުއްފުށީ ޓީމު ކުޅެފައިވާކަން ފާހަގަކޮށްލެވެ އެވެ. މިއީ އެ ރަށަކަށް ނިސްބަތްވާ ކުޅުންތެރިންނަށް އެ ރަށެއްގެ ޓީމަށް ކުޅެވޭ ގޮތަށް ބާއްވަމުން އަންނަ ފުޓްސަލް މުބާރާތެކެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
