ބިޒްނަސް ސެންޓަރުން ކުރިއަށް ގެންދިޔަ ސްޓޭކް ހޯލްޑަރ ފޯރަމް ނިންމާލައިފި

ކުޅުދުއްފުށީ ބިޒްނަސް ސެންޓަރުން ކުރިއަށް ގެންދިޔަ ސްޓޭކް ހޯލްޑަރ ފޯރަމް ނިންމާ ބައިވެރިންނަށް ސެޓްފިކެޓް ދީފި އެވެ.

މި މަހު 15 އިން 18 އަށް ކުރިއަށް ގެންދިޔަ މި ފޯރަމްގައި ޖުމްލަ 22 ފަރާތަކުން ވަނީ ބައިވެރިވެފަ އެވެ.

މި ފޯރަމް ނިންމުމުގެ ރަސްމިއްޔާތުގައި ވާހަކަ ދައްކަވަމުން ބިޒްނަސް ސެންޓަރުގެ މެނޭޖާރ އަހުމަދު ޔާސިން ވިދާޅުވީ މި ފޯރަމްގެ ތެރެއިން ބައިވެރިންނަށް ގިނަ މައުލޫމާތު ތަކެއް ލިބިގެންގޮސްފި ކަމަށާއި އަލަށް ވިޔަފާރިއެއް ފަށާ ބޭފުޅުންނަށް ފޯރަމް ގެ ތެރެއިން ލިބިގެންދިޔަ މައުލޫމާތު ތަކަކީ ވަރަށް މުހިއްމު މައުލޫމާތު ތަކެއް ކަމަށެވެ.

އޭގެ އިތުރުން ބިޒްނަސް ސެންޓަރުގެ މަގުސަދަކީ ކުދި އަދި މެދުންފަންތީގެ ވިޔަފާރިތަށް އިތުރަށް ފުޅާކޮށް މާކެޓް ހޯދައި ދިނުން ކަމަށާއި އަދި ވިޔަފާރިވެރިންނަށް ބޭނުންވާ ޓްރެއިނިން ޕްރޮގްރާމުތަށް ބޭއްވުން ކަމަށް ޔާސިމް ވިދާޅުވި އެވެ. އަދި އުންމީދަކީ މިފަދަ އިތުރު ފޯރަމްތަށް ބާއްވާ ފިޔަފާރިތަށް އިތުރަށް ފުޅާކުރުމަށް އެހީވެދިނުން ކަމަށްވެސް ޔާސިމް ވިދާޅުވި އެވެ.

މިއީ ބިޒްނަސް ސެންޓަރަކުން ރާއްޖޭގައި ފުރަތަމަ ބޭއްވި ސްޓޭކް ހޯލްޑަރ ފޯރަމް ކަންވެސް ޔާސިމް ވަނީ ފާހަގަކޮށްފަ އެވެ.

މި ފޯރަމްގައި ނަލަފިލާ އިންވެސްޓްމެންޓުގެ ގެ ފަރާތުން ބައިވެރިވި ފާތިމަތު މުހައްމަދު ފޯރަމްގެ ބައިވެރިއެއްގެ ގޮތުން ވާހަކަ ދައްކަވަމުން ވިދާޅުވީ މި ފޯރަމްގެ ބައިވެރިންނަށް ވަރަށް ބޭނުންތެރި މީގެ ކުރިން ނޭނގި ހުރި ބައިވަރު މައުލޫމާތު ތަކެއް ލިބިއްޖެ ކަމަށާއި މި ފަދަ ފޯރަމެއްގެ ސަބަބުން އިތުރަށް މައުލޫމާތު ސާފުކުުރުމަށް ވަރަށް ބޮޑު ފަސޭހައެއް ލިބިގެން ގޮސްފިކަމަށެވެ.

ެމި ފޯރަމްގައި 12 ސްޓޭކް ހޯލްޑަރަކުން ވަނީ ބައިވެރިންނަށް މައުލޫމާތު ދެއްވާފަ އެވ.