ހޯރަފުށީގައި ވެސް އެއާޕޯޓެއް އަޅަނީ

ހއ ހޯރަފުށީގައިވެސް އެއާޕޯޓެއް އަޅުއްވާނެ ކަމަށް ރައީސް އަބްދުﷲ ޔާމިން ވިދާޅުވެއްޖެ އެވެ.

ރައީސް މިހެން ވިދާޅުވީ ރައީސްގެ ރިޔާސީ ދައުރު ދެބައިވުން ފާހަގަކުރުމަށް ބޭއްވި “ފަހި 913” ފެސްޓިވަލް ނިންމުމުގެ ގޮތުން ދަރުބާރުގޭގައި ރޭ ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.

އޭގެ އިތުރުން ރައީސް ވިދާޅުވީ ހޯރަފުށީގައި އެއާޕޯޓް އެޅުމުގެ މަސައްކަތް ވަރަށް އިސްކަމެއްދީގެން ކުރެވެމުން ދާކަމަށެވެ.

ހޯރަފުށީ އެއާޕޯޓްގެ އިތުރުން މީގެ ކުރިން ސަރުކާރުން ވަނީ ހދ ކުޅުދުއްފުށި އަދި ށ ފުނަދޫގައި އެއާޕޯޓް އަޅާނެ ކަމަށް އިއުލާން ކުރައްވާފަ އެވެ.

ހޯރަފުށި އެއާޕޯޓާއި އެކު ޖުމްލަ 3 އެއާޕޯޓް އުތުރުގައި އެޅުމަށް ސަރުކާރުން ނިންމާފައިވާއިރު ހދ. ކުޅުދުއްފުއްޓާއި ށ. ފުނަދޫގައި އެއާޕޯޓް އަޅަން ބިން ހިއްކައިދޭނެ ބަޔަކު ހޯދުމަށް މިހާރު ވަނީ އިއުލާންކޮށްފަ އެވެ

ހދ ކުޅުދުއްފުށީގައި އެއާޕޯޓަކީ ރައީސް ޔާމިންގެ ރިޔާސީ ވައުދުފުޅެކެވެ.