މާލެއަށް ދަތުރުކުރަމުން ދިޔަ ބޯޓެއްގެ ގައި އޮތް މާބަނޑު އަންހެނަކު ބަނޑުގައި ރިއްސައިގަތުމުން ނައިފަރަށް ބާލަން ޖެހިއްޖެ

ކުޅުދުއްފުށިން ފުރައިގެން މާލެއަށް ދަތުރުކުރަމުންދިޔަ ކުޅުދުއްފުށީ “ފާޅު” ބޯޓުގައި އޮތް މާބަނޑު އަންހެނަކު ބަނޑުގައި ރިއްސައިގަތުމުން އެމްއެންޑީއެފްގެ އެހީތެރިކަމާ އެކު އެމީހާ ނައިފަރަށް ގެންގޮސްފި އެވެ.

ބޯޓްގެ ފަޅުވެރިޔަކު “ކުޅުދުއްފުށި އޮންލައިނަށް” މައުލޫމާތު ދެމުން ބުނީ އެއަންހެން މީހާ ބަނޑުގައި ރިހެން ފެށުމުން އެވަގުތު މަޑިވަރަށް ދިއުމަށް ބޯޓްގައި ތިބި ފުލުހުން ތަކަކާއި ގުޅިގެން އެމްއެންޑީއެފްގެ އެހީތެރިކަމުގައި އެމީހާ ނައިފަރަށް ގެންގޮސްފައިވާ ކަމަށެވެ.

ހއ އިހަވަންދޫއަށް ނިސްބަތްވާ މިއަންހެން މީހާ ނައިފަރަށް ގެންދިޔައީ މިރޭ 10 ޖަހާއެހާއިރު އެވެ. މިބޯޓް ކުޅުދުއްފުށިން މިއަދު ފުރާފައިވަނީ ހަވީރު 4:00 އިރު އެވެ.