ކުޅުދުއްފުއްޓާއި ނޮޅިވަރަންފަރުގައި ނޫމަޑިން ހަަދައި ރޯހައުސްތަކުގެ މަސައްކަތް ހުއްޓިފައި

ކުޅުދުއްފުއްޓާއި ނޮޅިވަރަންފަރުގައި ނޫމަޑި ރިޒޯޓްސް އެންޑް ރެސިޑެންޓްސްއާ ހަވާލުކޮށްގެން ހަދައި ރޯހައުސްތަކުގެ މަސައްކަތް ސަބް ކޮންޓްރެކްޓަރާ މައްސަލަ ޖެހިގެން ހުއްޓާލައިފި އެވެ.

ނޫމަޑިން އެ ދެރަށުގައި ރޯހައުސް އިމާރާތްކުރުމަށް ހަވާލުކޮށްފައިވަނީ އައިލެންޑް ލައިން ނަމަަކަށް ކިޔާ ކުންފުންޏަކާ އެވެ. މައުލޫމާތު ލިބިފައިވާ ގޮތުގައި އައިލެންޑް ލައިން މަސައްކަތް ހުއްޓާލީ ފައިސާގެ މައްސަލައެއްގަ އެވެ.

މިކަމާ ގުޅިގެން ނޫމަޑީގެ ބަހެއް އަދި ވަނީ ލިބޭ ގޮތް ނުވެފަ އެވެ. ދެ ރަށުގެ ރޯހައުސްގެ މަސައްކަތް ހުއްޓިފައިވާއިރު ރަށުގެ ރައްޔިތުނާއި ކައުންސިލް ދަނީ އެކަމާ ކަންބޮޑުވުންފާޅު ކުރަމުންނެވެ.

ނޫމަޑި ރިޒޯޓްސް އެންޑް ރެސިޑެންޓްސްއާ ހަވާލުކޮށްގެން ކުޅުދުއްފުށީ ހިއްކި ބިމުގައި އަޅައި 60 ހައުސިން ޔުނިޓާއި ނޮޅިވަރަންފަރުގައި އަޅައި 160 ހައުސިންގ ޔުނިޓް އެޅުމުގެ މަސައްކަތް ފަށާފައި ވަނީ 2011 ވަނަ އަހަރު އެވެ.

މި ރޯހައުސްތަކުގެ ބޮޑު ބައެއްގެ މަސައްކަތް ނިމިފައިވާއިރު އަލުން މަސައްކަތް ފެށޭނެ ދުވަހެއް ނޭނގެ އެވެ.