ސަރުކާރުގެ ޗާޓުގައި ހދ އަތޮޅެއް ނެތް، ސަރުކާރުން ދަނީ އަތޮޅާމެދު އިހުމާލުވަމުން

ހދ އަތޮޅު މި ސަރުކާރުގެ ޗާޓުގައި ނެތް ކަމަށާއި ސަރުކާރުން ވަނީ މި އަތޮޅާއި މެދު އިހުމާލުވެފަ ކަމަށާއި އަތޮޅު ކައުންސިލްގެ ރައީސް އަހުމަދު އިބްރާހިމް ވިދާޅުވެއްޖެ އެވެ.

އަހުމަދު އިބްރާހިމް މިހެން ވިދާޅުވީ މިއަދު ސޯޝަލް މީޑިއާގައި ކުރެއްވި ޕޯސްޓެއްގަ އެވެ.

މި ޕޯސްޓުގައި އިތުރަށް ބުނެފައިވަނީ އެއް ހަމައަކުން ޖީއެސްޓީ ނަގަމުންދާއިރު އެންމެ ގިނައިން ސަރުކާރަށް ޖީއެސްޓީ ވަންނާނީ ހދ އަތޮޅުން ކަމަށާއި ވަކި ރަށްރަށައް ބަލާއިރު އެންމެ ގިނަ ޖީއެސްޓީ ވަންނާނީ ކުޅުދުއްފުށިން ކަަމަށް ވިދާޅުވެފަ އެވެ.

” އެއް ހަމައަކުން ޖީއެސްޓީ ނަގަމުން ދާއިރު އެންމެ ގިނަ ޖީއެސްޓީ ދައްކާނީ މިއަތޮޅުގެ ރައްޔިތުން، ވަކި ރަށަކަށް ބަލާކަމަށް ވާނަމަ ކުޅުދުއްފުށީ ރައްޔިތުން” ޕޯސްޓުގައި ވެއެވެ.

މި ސަރުކާރުން ވަނީ ކުޅުދުއްފުއްޓަށާއި ހދ އަތޮޅަށް ގިން ވައުދުތަކެއް ކުރައްވާފަ އެވެ. އެގޮތުން ކުޅުދުއްފުށީ އެއާރޕޯޓާއި ހދ އަތޮޅުގައި ޓުއަރިޒަމް ފެއްޓެވުން ހިމެނެ އެވެ.

އެހެންނަމަވެސް މި ސަރުކާރަށް 2 އަހަރާއި ބައިވެގެން ދިޔައިރުވެސް މީގެން އެއްވެސް މަސައްކަތެއްގައި ހަގީގީ ކުލަޖެހިގެން ދާތަނެއް ނުފެނެ އެވެ.