ހޯރަފުށީ ގޮނޑުދޮށް ހިމާޔާތްކުރުމުގެ މަސައްކަތް ފަށައިފި

ހއ. ހޯރަފުށީ ގޮނޑުދޮށް ހިމާޔަތްކުރުމުގެ އަމަލީ މަސައްކަތް މިއަދު ފަށައިފި އެވެ.

ހޯރަފުށީ ގޮނޑުދޮށް ހިމާޔާތްކުރުމުގެ މަސައްކަތް ފައްޓަވައިދެއްވީ އެރަށުގައި ބޭއްވި ރަސްމިއްޔާތެއްގައި އެންވަޔަރަމަންޓް މިނިސްޓަރު ތޯރިގް އިބްރާހީމެވެ.

އެމްޓީސީސީއާ ހަވާލުކޮށްގެން ކުރިއަށްގެންދާ އެމަޝްރޫއުގައި ގިރާ ދެ ސަރަހައްދެއް އެ މަޝްރޫއުގެ ދަށުން ހިމާޔަތް ކުރާނެ އެވެ.

އެގޮތުން އެރަށު އިރު އުތުރާއި އިރު ދެކުނުގައި ބޮޑު ހިލައިގެ ތޮއްޓެއް ހަދާނެ އެވެ. އަދި ބޮޑު ހިލައިގެ ތޮއްޓެއް ގާއިމް ކުރާނީ އެ ރަށުގެ އުތުރުގެ 570 މީޓަރުގެ ސަރަހައްދާއި އިރު ދެކެނުގެ 230 މީޓަރުގެ ސަރަހައްދުގަ އެވެ.

ސަރުކާރުގެ ބަޖެޓުން 19.1 މިލިއަން ރުފިޔާ ހަރަދުކޮށްގެން ކުރިއަށް ގެންދާ އެ މަޝްރޫއު ނިމޭނެ ކަމަށް ލަފާކޮށްފައި ވަނީ މިއަހަރުގެ ނޮވެމްބަރު މަހުގެ 10 ވަނަ ދުވަހު އެވެ.