ހޯރަފުއްޓާއި ކުޅުދުއްފުށި އަދި ފުނަދޫގެ އެއާޕޯޓް 2018 ކުރިން ނިންމާނަން: ރައީސް

ހއ ހޯރަފުށީ އެއާޕޯޓާއެކު ކުޅުދުއްފުއްޓާއި ށ ފުނަދޫގެ އެއާޕޯޓްގެ މަސައްކަތް ފަށައި 2018 ގެ އިންތިހާބުގެ ކުރިން އެއާޕޯޓްގެ މަސައްކަތް ނިންމާ ބޯޓް ޖައްސާނެކަމަށް ރައީސުލް ޖުމްހޫރިއްޔާ އަބުދުﷲ ޔާމީން ވިދާޅުވެއްޖެ އެވެ.

” އަޅުގަނޑުމެންގެ މަސައްކަތް މިފަށަނީ ހޯރަފުއްޓާއެކީ ކުޅުދުއްފުށި ހަމައެއާއެކު ށ އަތޮޅު ފުނަދޫގައި އެއާޕޯޓެއް އެޅުމުގެ މަސައްކަތް މިއީ އުތުރަށް ޓޫރިޒަމް ގެނައުމަށް ކުރާ މަސައްކަތް. އަޅުގަނޑު މިއުއްމީދުކުރަނީ 2018 ވަނަ އަހަރު ވޯޓް ފޮއްޓާ ހަމަ އަންނައިރު މިތިން ރަށުގައި އެއާޕޯޓް އެޅުން . އަދި މިރަށްރަށަށް ބޯޓް ޖައްސާ ބޯޓް އުދުއްސާތަން ފެނިގެންދާނެ ކަމަށް” ހޯރަފުށީ ރައްޔިތުންނާ ބައްދަލުުއްވައި ވާހަކަ ދައްކަވަމުން ރައީސް ވިދާޅުވި އެވެ.

ރައީސް ވިދާޅުވީ އުއްމީދު ކުރަނީ 2018 ގެ ވޯޓް ފޮއްޓާއި ހަމައަށް އަންނައިރު މި ތިން ރަށުގައި އެއާޕޯޓް ގާއިމްކުރެވި ބޯޓް ޖައްސާނެ ކަމަށެވެ.

ރައީސް ވިދާޅުވީ ސަރުކާރުގެ އަމާޒަކަށް މިހާރުވެފައިވަނީ އުތުރުގެ  އަތޮޅުތައް ޓޫރިޒަމްގެ ސިނާޔަތުން ޒީނަތްތެރިކުރުން ކަމަށާއި ބޭނުމަކަށް ވެފައިވަނީ މިސަރަހައްދުގެ  ރަށްތައް ތަރައްގީ ގެނެސްދިނުން ކަމަށް ރައީސް ފާހަގަކުރެއްވި އެވެ.