3000 އަށް ވުރެ ގިނަ ރައްޔިތުން ދިރިއުޅޭ ރަށްރަށުގައި 1 ފުޓްސަލް ދަނޑަށް ވުރެ ގިނަ ދަނޑު އެޅުމަށް ސަރުކާރުން ނިންމާވާފައިވާ ކަމަށް މިނިސްޓަރ އޮފް ޔޫތު އެންޑް ސްޕޯޓްސް އަހުމަދު ޒުހޫރު ވިދާޅުވެއްޖެ އެވެ.
ފުޓްސަލް އެރީނާގެ ޕްރޮޖެކްޓްގެ ދަށުން ހއ ހޯރަފުށީގައި ގާއިމްކުރި ފުޓްސަލް ދަނޑު ރޭ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރ ޒުހޫރު ވިދާޅުވީ ބޮޑެތި އާބާދީތަކުގައި އެއް ދަނޑަށް ވުރެ ގިނަ ދަނޑު އަޅަން ޖެހޭކަމުގައިވާ ނަމަ އެކަން ކުރުމަށް ސަރުކާރުން ވަނީ ނިންމަވާފައިވާ ކަމަށެވެ.
”އެގޮތުން އަޅުގަނޑުމެންނަށް މިވަގުތު ހުރިހާ ރަށެއްގައި އެއް ދަނޑަށް ވުރެ ގިނަ ދަނޑު ނޭޅި ހިނގައިދާނެ. އެހެންނަމަވެސް އާބާދީގެ ނިސްބަތުން 2000 މަތި ނުވަތަ 3000 މައްޗަށް ބަލާފައި. 3000 އަށް ވުރެ މަތީގެ އާބާދީ ހިމެނޭ ރަށްރަށުގައި އެއް ދަނޑަށް ވުރެ ގިނަ ދަނޑު އެޅިގެންދާނެ” މިނިސްޓަރ ޒުހޫރު ވިދާޅުވި އެވެ.
އެގޮތުން ހޯރަފުށިގައި ވެސް ކައިރި މުސްތަގުބަލެއްގައި އިތުރު ދަނޑެއް އަޅައިދޭނެ ކަމުގެ ޔަގީންކަން މިިނިސްޓަރު އެރުވި އެވެ
އެގޮތުން ސްޕޯޓްސް އެރީނާ މަޝްރޫއުގެ ދަށުން ފުޓްސަލް ދަނޑުގެ އިތުރުން، ހޯރަފުށީގައި ބަށި ކޯޓަކާއި ވޮލީ އަދި ބާސްކެޓް ކޯޓެއް ހެދިފައި ކަމަށެވެ. އަދި އިންޑޯ ކުޅިވަރު ކުޅެވޭނެ ތަނެއް ނުވަތަ ސްޕޯޓްސް ކޮމްޕްލެކްސްއެއްގެ އެޅުމުގެ މަސައްކަތް މިހާރު ކުރެވެމުންދާ ކަމަށެވެ.
ހޯރަފުށީގައި ފުޓުބޯޅަ ދަނޑެއް އެޅުމުގެ މަސައްކަތް ވެސް ކުރިއަށްދާ ކަމަށް މިނިސްޓަރުގެ ވާހަކާގައި ފާހަގަކުރެއްވި އެވެ. އަދި ކުޅިވަރު ތަރައްގީކުރުމަށް ހޯރަފުށީގައި 15 މިލިއަނެއްހާ ރުފިޔާގެ މަސައްކަތް ކުރެވޭނެ ކަމަށް ޒުހޫރު ވިދާޅުވި އެވެ.
ރައީސް އަބްދުﷲ ޔާމީންގެ ސަރުކާރުން ޒުވާނުންނަށް އުޖާލާ މުސްތަގުބަލެއް ގެނެސް ދިނުމަށްޓަކައި، ޒުވާނުންނަށް ބޭނުންވާ ހުރިހާ ވަސީލަތްތަކެއް ރާއްޖޭގެ އެކި ކަންކޮޅުތަކުގައި ގާއިމް ކުރުމަށްޓަކައި އެމަނިކުފާނު ވަނީ ވައުދުވެވަޑައިގެންފައި ކަމަށެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
