އަންނަތަރާގެ ސްކޫލް ލީވާސް އެކްސްޕްލޯރާސް މާދަމާ ކުޅުދުއްފުށީގައި ބާއްވަނީ

އަނަންތަރާ މޯލްޑިވްސްއިން ސްކޫލް ލީވާސް އެކްސްޕްލޯރާސް ގެ ނަމުގައި ކުޅުދުއްފުށީގައި ޕްރޮގްރާމްއެއް  މާދަމާ ބާއްވަން ހަމަޖެހިއްޖެ އެވެ

މި ޕްރޮގުރާމަކީ ފަތުރުވެރިކަމުގެ ދާއިރާއަށް ޝައުގުވެރިކަން ހުންނަ ފަރާތްތަކަށް އަމާޒުކޮށްގެން އަނަންތަރަ ދިގު ރިސޯޓާއި އަނަންތަރަ ވެލި ރިސޯޓް އަދި އަނަންތަރަ މޯލްޑިވްސްގެ ފަރާތުން ބާއްވާ ޕްރޮގުރާމް އެކެވެ.

މި ޕްރޮގުރާމް ކުރިއަށް ދާނީ ހދ. އަތޮޅު ތައުލީމީ މަރުކަޒް ހޯލްގައި ކަން ކުޅުދުއްފުށީ ކައުންސިލްގެ އިދާރާ އިން ކުރި އިއުލާނުގައި ވެއެވެ.

އަދި މި ޕްރޮގުރާމްގައި ބައިވެރި ވެވޭނީ އުމުރުން 17 އަހަރާއި 20 އަހަރާ ދެމެދުގެ ދެޖިންސްގެ ކުދިންނަށް ކަންވެސް އެ އިއުލާނުގައި ވެއެވެ.

ވީމާ މި ޕްރޮގުރާމްގައި ބައިވެރިވެލެއްވުމަށް ޝައުގުވެރިވެލައްވާ ފަރާތްތަކުން ސީވީ ހިފައިގެން 27 މެއި 2016 ވާ ހުކުރު ދުވަހު 14:00 ން 17:00 އާއި ދެމެދު ހދ. އަތޮޅު ތައުލީމީ މަރުކަޒް ހޯލަށް ވަޑައިގެންނެވުމަށް ކުޅުދުއްފުށީ ކައުންސިލުން ވަނީ އިއުލާނުކޮށްފަ އެވެ.