ރަމަޟާންމަހުގެ ފުރަތަމަ ދުވަހު ހދ ރޫޓް ފެރީ ނުބާއްވާގޮތަށް ނިންމައިފި

ރަމަޟާން މަހުގެ ފުރަތަމަ ދުވަސް ކަމަށްވާ ޖޫން 6 ގައި އެއްވެސް ރޫޓް ފެރީއެއް ނުބާއްވާގޮތަށް އަތޮޅު ކައުންސިލުން ނިންމައިފި އެވެ.

އަތޮޅު ކައުންސިލުން ނެރުނު އިއުލާނުގައި ބުނެފައިވަނީ ރަމަޟާން މަހުގެ އެއްވަނަ ދުވަހު އެއްވެސް ރޫޓް ފެރީއެއް ނޯންނާނެ ކަމަށާއި އެެހެންނަމަވެސް 4 ޖޫން ވާ ހޮނިހިރު ދުވަހު ހދ އަތޮޅުގެ 3 ރޫޓް ފެރީވެސް ދަތުުރު ކުރާނެ ކަމަށެވެ.

އެގޮތުން ރޫޓް 121 ފެރީ ދަތުރު ކުރުމަށް ހަމަޖެހިފައިވަނީ ފިނޭ – ހިރިމަރަދޫ – ނައިވާދޫ – ނެއްލައިދޫ އަދި ކުރިނބީން ކުޅުދުއްފުއްޓަށެވެ.

ރޫޓް 122 ފެރީ ދަތުރު ކުރުމަށް ހަމަޖެހިފައިވަނީ ހަނިމާދޫ – ނޮޅިވަރަމްފަރު – ނޮޅިވަރަމުން ކުޅުުދުއްފުއްޓަށެވެ. އަދި 124 ފެރީ ދަތުރު ކުރާނީ މަކުނުދޫ – ވައިކަރަދޫ – ނޭކުރެންދޫ – ކުމުންދޫއިން ކުޅުދުއްފުއްޓަށެވެ.