އާއިލާއާއި ދެކޮޅަށް ކައިވެނި ކުރި އަންހެން ކުއްޖެ ދިރި ހުއްޓާ އަންދާލައިފި

Jun 9, 2016

ޕާކިސްތާނުގެ 17 އަހަރުގެ އަންހެން ކުއްޖަކު އާއިލާއާއި ދެކޮޅަށް ކައިވެނިކުުރުމުން އާއިލާގެ މީހުން އެކުއްޖާ އަންދާލާ މަރާލައިފި އެވެ.

މިދިޔަ ބުދަ ދުވަހު ޒީނަތު ރަފީގު މަރާލާފައިވަނީ އާއިލާއާއި ދެކޮޅަށް އޭނާ ސްކޫލް ދައުރުންފެށިގެން ރައްޓެހިވެެން އުޅުނު އޭނާ ލޯބިވެރިޔާއާއި ފިލައިގެން ކާވެނި ކުރުމުންނެވެ.

ސީބީއެސް ނިއުސް އިން ބުނެފައިވާ ގޮތުގައި ޒީނަތު އަންދާލާައިވަނީ އޭނާ ގަޔަށް ކެރޮސިން އެޅުމަށްފަހު ކަމަށާއި އޭނާގެ އެ ސަރަހައްދުގައި އުޅޭމީހުން ޒީނަތުގެ ހަޅޭކުގެ އަޑަށް އެގެއަށް އައި ނަމަވެސް ޒީނަތު އާއިލާމީހުން ގެޔަކަށް ވަނުމަށް ވަނީ ހުރަސް އަޅާފަ އެވެ.

ޕޮލިހުން އެގެއަށް ދިޔައިރު ޒީނަތުގެ ހަށިގަނޑު އޮތީ ސިޑި ކައިރީގަ ކަމަށާއި ޒީނަތުގެ ކައިވެންޏަށް އެއާއިލާއިން އެތައްފަހަރަކު ދެކޮޅު ހަދާފައިވާކަމަށާއި އެހެންކަމުން އެމީހުން ފިލައިގެން ކައިވެނި ކުރީ ކަމަށް ޒީނަތުގެ ލޯބިވެރިޔާ ހަސަން ޚާން ނޫސްވެރިންނަށް މައުލޫމާތު ދީފައި ވެއެވެ.

ޕޮލިހުން ބުނެފައިވަނީ ޒީނަތުގެ މަންމަ ޕަރްވީން ވަނީ އޭނާގެ ދަރިފުޅު މަރާލިކަމަށް އެއްބަސް ވެފަވާ ކަމަާޢި އަދި އޭނާގެ ފިރިހެން ދަރިފުޅު ޒީނަތު މަރާލުމުގައި އެހީތެރިވިކަމަށް ވެސް އެއްބަސް ވެފައި ވާ ކަމަށާއި.

މިލިޔުމާއި ގުޅޭ