ރޯދަމަހު ފޯކައިދޫއިން ކުޅުދުއްފުއްޓަށް ޑޮކްޓަރަށް ދެއްކުމަށް އަންނަ ފަރާތްތަކުގެ ދަތުރު ހިލޭ

މި ރޯދަމަހު ޑޮކްޓަރަށް ދެއްކުމަށްޓަަކައި ކުޅުދުއްފުއްޓަށް އަންނަ ފަރާތްތަކަށް ލޯންޗުގައި ދަތުރު ކުރެވެނެ އިންތިޒާމް ފޯކައިދޫ ކައިންސިލުން ހަމަޖައްސައިފި އެެވެ.

އެކައުންސިލުން ނެރުނު އިއުލާނެއްގައި ބުނެފައިވަނީ ރަމަޟާން މަސް ނިމެންދެން ކޮންމެ ހަފްތާއަކު އާދިއްތަ އަދި ބުދަ ދުވަހު ލޯންޗުގައި ދަތުރު ކުރެވެނެ އިންތިޒާމް ކައުންސިލުން ހަމަޖައްސާފައި ވާނެ ކަމަށާއި މި ދަތުުރުގައި ބައިވެރިވެވޭނީ ޑޮކްޓަރަށް ދައްކަން ވަޑައިގަންނަވާ ފަރާތާއި އެފަރާތުގެ ބެލެނިވެރިންނަށެވެ.

އެގޮތުން ޑޮކްޓަރަށް ދެއްކުމަށް ވަޑައިގަންނަވާ ބޭފުޅުން ރަސްމީ ގަޑީގައި ކައުންސިލަށް ވަޑައިގެން ނަންނޯޓު ކުރެއްވުމަށް އެ އިއުލާނުގައި ބުނެފައި ވެއެވެ.

އޭގެ އިތުރުން މި ދަތުުރުތަކުގެ އިތުރުން ސިއްހީ މަރުކަޒުތަށް މެދުވެރިކޮށް ކުޅުދުއްފުއްޓަށް ނުވަތަ ފުނަދޫއަށް އެމެޖެންސީގައި ފޮނުވާ ފަރާތްތަކަށް އެލަވަންސްގެ ގޮތުގައި 2000/- ރުފިޔާ ދިނުމަށްވެސް އެކައުންސިލުން ވަނީ ނިންމާފަ އެވެ.