އިޙްލާސް ޤުރުއާން ކުލާހުން ކުޅުދުއްފުށީގައި ޤާރީ ކޯސްތަކެއް ފަށަނީ

ކުޅުދުއްފުށީގައި ހިންގަމުން އަންނަ އިޙްލާސް ޤުރުއާން ކުލާހުގެ ފަރާތުން ޤާރީ ކޯސްތަކެއް ކުރިއަށްގެންދިއުމަށް ހަމަޖެހިއްޖެ އެވެ.

ޢިހްލާސް ޤުރުއާން ކުލާހާއި އިންސްޓިޓިއުޓް އޮފް ޤުރުއާން އެންޑް ސުންނަތް ގުޅިގެން ކުރިއަށް ގެންދިއުމަށް ހަމަޖެހިފައިވަނީ ޤާރީ ކޯސް ލެވެލް 1 ، 2 އަދި 3 އެވެ. މި ކޯސްތަކުގައި ބައިވެރިވުމުގެ ފުރުސަތު މިހާރު ވަނީ ހުޅުވާލާފަ އެވެ.

ޢިހްލާސް ޤުރުއާން ކުލާހުގެ ހެޑްމާސްޓަރު މޫސާ މާހިރު ކޭއޯ އަށް މައުލޫމާތު ދެއްވަމުން ވިދާޅުވީ މިއީ ކުރު މުއްދަތުގެ ކޯސްތަކެއް ކަމަށާއި ހުރިހާ ކޯސްތަކަކީ ވެސް މޯލްޑިވްސް ކޮލިފިކޭޝަން އޮތޯރިޓީން ގަބޫލުކުރާ ކޯސްތަކެއް ކަމަށެވެ

ޤާރީ ކޯހުގެ 1 މުއްދަތަކީ 2 މަސް ދުވަސް ކަމަށާއި ޝަރުތަކީ އަސާސީ ފެންވަރު ކަމަށެވެ. އަދި ޤާރީ ކޯހުގެ ލެވެލް 2 ގެ މުއްދަތަކީ 4 މަސް ދުވަސް ކަމަށް އެކުލާހުން މައުލޫމާތުދެ އެވެ. ޤާރީ ކޯސް ލެވެލް 2 ޝަރުތަކީ ޤާރީ ކޯސް އެކެއް ފުރިހަމަކޮށްފައިވުން ކަމަށްވާއިރު ޤާރީ ކޯސް 3 ގެ މުއްދަތަކީ 7 މަސް ކަމަށާއި ޝަރުތަކީ ޤާރީ ކޯސް 2 ފުރިހަމަކޮށްފައިވުން ކަމަށް ޢިހްލާސް ޤުރުއާން ކުލާހުން މައުލޫމާތުދެ އެވެ.

މިކޯސްތަކުގައި ބައިވެރިވުމުގެ ފުރުސަތު މި ޖޫންމަހުގެ 30 ވާ ބުރާސްފަތި ދުވަހުގެ ރޭ 10:45 ގެ ނިޔަލަށް ހުޅުވާލާފައިވާއިރު މި މުއްދަތުގައި އެކްލާހުގެ ކައުންޓަރަށް ވަޑައިގެން ނަން ނޯޓްކުރުމުގެ އިންތިޒާމް ހަމަޖެހިފައިވާނެކަމަށް އެކްލާހުން ބުނެއެވެ. އަދި 9969089 ނަމްބަރާ ގުޅައިގެން ވެސް ނަންނޯޓް ކުރެވޭނެ ކަމަށް އެކުލާހުން ބުނެ އެވެ.