2 ފިރިހެން ދަރިވަރަކާއި ބެހުނުކަމުގެ ތުހުމަތުގައި ޖަލާލުއްދީން ސްކޫލުގެ ލީޑިން ޓީޗަރަކު ހައްޔަރުކޮށްފި

ޖަލާލުއްދީން ސްކޫލުގެ ފިރިހެން ދަރިވަރުންތަކަކާއި ބެހުނުކަމުގެ ތުހުމަތުގައި އެސްކޫލުގެ ސެޝަން އިންޗާޖް ހުސެއިން އަލީ ފުލުހުން ހައްޔަރުކޮށްފި އެވެ.

މިމައްސަލައިގައި ތުހުމަތުގައި ހުސެއިން ހައްޔަރުކޮށްފައިވަނީ މިއަދު އޭނާ ސްކޫލުގައި ހުއްޓަ އެވެ.

ކޭއޯ އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ ފިރިހެން 2 ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި މިއަދު ހެނދުނު 10:30 އެހާއިރު ކުޅުދުއްފުށި 30 އަހަރުގެ ފިރިހެނަކު ހައްޔަރުކޮށްފައިވާ ކަމަށެވެ.

މިނޫހަށް އެނގިފައިވާ ގޮތުގައި މިމައްސަލައިގައި ޖިންސީ ޝިކާރައަކަށް ވެފައިވަނީ ޖަލާލުއްދީން ސްކޫލުގެ ގުރޭޑް 9 ގައި ތައުލީމް ހާސިލުކުރަމުން އަންނަ ދެ ދަރިވަރެކެވެ.