ނޫރު ޖަމިއްޔާއިން ވެސް ކުޅުދުއްފުށީގައި ޤާރީ ކޯސްތަކެއް ފަށަނީ

ކުޅުދުއްފުށީގައި މައުހަދުއްދިރާސަތިލް ޤުރުއާނިއްޔާއާ ޖަމިއްޔަތުއް ނޫރު ގުޅިގެން ޤާރީ ކޯސްތަކެއް ކުރިއަށްގެންދިއުމަށް ހަމަޖެހިއްޖެ އެވެ.

މައުހަދުއްދިރާސަތިލް ޤުރުއާނިއްޔާއާ ޖަމިއްޔަތުލް ނޫރު ގުޅިގެން ކުރިއަށް ގެންދިއުމަށް ހަމަޖެހިފައިވަނީ ޤާރީ ކޯސް ލެވެލް 2 އަދި 3 އެވެ. މި ކޯސްތަކުގައި ބައިވެރިވުމުގެ ފުރުސަތު މިހާރު ވަނީ ހުޅުވާލާފަ އެވެ.

ޤާރީ ކޯހުގެ ލެވެލް 2 އަދި 3 ގެ މުއްދަތަކީ 4 މަސް ދުވަހެވެ. އަދި ލެވެލް 2 ގެ ޝަރުތަކީ ޤާރީ ކޯސް 1 ހަދާފައިވުން ކަމަށާއި އަދި ލެެވެލް 3 ގެ ޝަރުތަކީ ޤާރީކޯސް ލެވެލް 2 ހަދާފައިވުންކަމުގައި ޖަމިއްޔަތުލް ނޫރުގެ ފަރާތުން މައުލޫމާތުދެ އެވެ.

މި ކޯސްތަކުގައި ރާއްޖޭގެ މަޝްހޫރު ޤާރީއެއްކަމުގައިވާ އިބްރާހިމް ޝިފާއު އާއި ކުޅުދުއްފުށީގެ 2 ޤާރީން ކިޔަވައި ދެއްވާނެ ކަމަށް ޖަމިއްޔަތުއް ނޫރުން ނެރުނު އިއުލާނުގައި ވެއެވެ.

މިކޯސްތަކުގައި ބައިވެރިވުމުގެ ފުރުސަތު މި ޖޫންމަހުގެ 30 ވާ ބުރާސްފަތި ދުވަހުގެ ނިޔަލަށް ހުޅުވާލާފައި ވެއެވެ. އަދި ބައިވެރިވާން ބޭނުންވާ ބޭފުޅުން 9913954 އަދި 7935074 ނަންބަރާ ގުޅުއްވާ ނަންނޯޓް ކުރުމަށް އިއުލާނުގައި ވެއެވެ.

މިކޯހުގައި ބައިވެރިވާބޭފުޅުން ބޭނުންނަމަ ހުކުރު އަދި ހޮނިހިރުގައިވެސް މި ކޯސްތަކުގެ ކިޔެވުން ބޭއްވިދާނެ ކަމަށް އިއުލާނުގައި ވެއެވެ.