ހ.ދ ހަނިމާދޫއިން މަސްތުވާތަކެޗާއެކު މީހަކު ފުލުހުންގެ ބެލުމުގެ ދަށަށް ގެންގޮސްފި

މަސްތުވާތަކެއްޗާއެކު ހދ. ހަނިމާދޫން މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.

މި މައްސަލާގައި ފުލުހުންގެ ބެލުމުގެ ދަށަށް ގެންގޮސްފައިވަނީ 25 އަހަރުގެ ދިވެހި ފިރިހެނެ ކެވެ.

އޭނާ ފުލުހުންގެ ބެލުމުގެ ދަށަށް ގެންގޮސްފައިވަނީ މި ޖޫންމަހުގެ 15 ވަނަ ދުވަހުގެ 20:38 ހާއިރު ހދ.ހަނިމާދޫ ސިއްހީމަރުކަޒު ސަރަހައްދުން ނެވެ.

މި މީހާ ފުލުހުންގެ ބެލުމުގެ ދަށަށް ގެނައީ ހަނިމާދޫ ޕޮލިސް ސްޓޭޝަނާއި ޕޮލިސް އިންޓެލިޖެންސް ގުޅިގެން ހިންގި އޮޕަރޭޝަނެއްގައި މަސްތުވާތަކެތި ކަމަށް ޝައްކުކުރެވޭ އެއްޗެއްހުރި 5 ރަބަރު ޕެކެޓާއި އެކީގައި ކަމަށް ފުލުހުން ބުނެ އެވެ.

މި މީހާ  ފުލުހުންގެ ބެލުމުގެ ދަށަށް ގެންގޮސް ހަނިމާދޫ ޕޮލިސް ސްޓޭޝަނަށް ހާޒިރުކޮށް ކުޑަކަމުދާތަކެތި ނަގައި ޓެސްޓްކުރުމުން މަސްތުވާތަކެތީގެ ބާވަތަކަށް ޕޮޒިޓިވް ވެފައިވާކަމަށް ފުލުހުން ބުނެ އެވެ.

މިނިސްޓްރީ އޮފް ހޯމްއެފެއާޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަޙްޤީޤް ކުރިއަށް ގެންދިއުމަށް 15 ދުވަހުގެ މުއްދަތެއް ދީފައިވާކަމަށް ފުލުހުން ބުނެ އެވެ.