ގެސްޓް ހައުސްތަކަށް އަންނަ ޓޫރިސްޓުންގެ އަތުންވެސް ގްރީންޓެކްސް ނަގަން ހުށަހަޅައިފި

Jun 21, 2016

ގެސްޓް ހައުސްތަކަށް އަންނަ ޓޫރިސްޓުންގެ އަތުން ވެސް ގްރީން ޓެކްސް ނަގާ ގޮތަށް ސަރުކާރުން ޓޫރިޒަމް ގާނޫނަށް އަނެއްކާވެސް އިސްލާހު ހުށަހަޅައިފި އެވެ.

އިއްޔެގެ ރައްޔިތުންގެ މަޖިލީހުގައި، ޓްއަރިޒަމްގެ ގާނޫނަށް ސަރުކާރުގެ ފަރާތުން މަޖިލީހުގެ މެޖޯރިޓީ ލީޑަރު އަހުމަދު ނިހާން ހުށަހެޅުއްވި ބިލުގައިވާގޮތުން ގެސްޓްހައުސްތަކަށް އަންނަ ޓޫރިސްޓުންގެ އަތުން ވެސް ދުވާލަކަށް ހަ ޑޮލަރުގެ އުސޫލުން ޓެކްސް ނަގަން ޖެހޭނެ ކަމަށް ވަނީ ބުނެފައެވެ.

މިދިޔަ އަހަރުގެ ނޮވެމްބަރު މަހު ތައާރަފްކުރި ގްރީން ޓެކްސް މިހާރު ނަގަނީ ރިސޯޓުތަކާއި ހޮޓާތަކުގެ އިތުރަށް ސަފާރީތަކުގައި ތިބޭ ބޭރުގެ ޓޫރިސްޓުންގެ އަތުންނެވެ.

މި ޓެކްސް ފުރަތަމަ ތައާރަފު ކުރުމާ ގުޅިގެން އޮތީ ގެސްޓް ހައުސްތަކުން ގްރީން ޓެކްސް ނަގާ ގޮތަށެވެ. ނަަމަވެސް ވިޔަފާރިވެރިންގެ ކަންބޮޑުވުމާއެކު އެކަން ވަނީ ބަދަލުކޮށްފަ އެވެ.

މި އަހަރުގެ މިހާތަނަށް ގްރީން ޓެކްސްގެ ގޮތުގައި ދައުލަތަށް 17.9 މިލިއަން ޑޮލަރު ވަނީ ލިބިފަ އެވެ. މީރާގެ ހިސާބުތައް ދައްކާ ގޮތުން ދެ ވަނަ އަށް އެންމެ ގިނަ އަދަދަކަށް ދައުލަތަށް ޑޮލަރު ވަންނަނީ ގްރީން ޓެކްސް އިންނެވެ.

މިލިޔުމާއި ގުޅޭ