ގިނަ ބައެއްގެ ފާޑުކިއުން އަމާޒުވެފައިވަނިކޮށް ޗައިނާގައި ކުއްތާމަސް ކެއުމުގެ ފެސްޓިވަލް ފަށައިފި

ޗައިނާގައި ކުއްތާ އާއި ބުޅާމަސް ކާ 10 ދުވަހުގެ ފެސްޓިވަލްއެއް ފަށައިފި އެވެ. 10000 ކުއްތާ އާއި ބުޅާ މި ފެސްޓިވަލްގައި މަރާނެކަމަށް ވެއެވެ.

އެކްޓިވިސްޓުން ބުނާގޮތުގައި މިފެސްޓިވަލް އަކީ ވަރަށް ދަށުދަރަޖާގެ އަމަލެއްކަމަށެވެ. އަދި މިއަހަރު މި ފެސްޓިވަލް ހުއްޓުވުމަށް ޕެޓިޝަން އެއް ހަދާކަމަށެވެ. އަދި ޕެޓިޝަން ހަދަން 11 މިލިއަން މީހުންގެ ސޮއި ހޯދާފައިވާ ކަމަށް އެކްޓިވިސްޓުން ބުނެ އެވެ.

ސަރުކާރުން ބުނަނީ މި ފެސްޓިވަލްއަކީ އަމިއްލަ ކުނފުނިތަކުން ބާއްވަ ފެސްޓިވަލެއް ކަމަށާއި ސަރުކާރުން މި ފެސްޓިވަލްއަށް ސަޕޯޓު ނުކުރާ ކަމަށެވެ.

މި ފެސްޓިވަލް އަކީ ވަރަށް ފަހުން ޔޫލިންގައި ބާއްވަން ފެށި ފެސްޓިވަލް އެކެވެ. މި ފެސްޓިވަލް އައް ގިނަބައެއްގެ ތަރުހީބު ލިބުމާއި އެކު ގިނަ ބައެއްގެ ފާޑުކިޔުންވެސް އަމާޒުވާ ކަމަށް އެކްޓިވިސްޓުން ބުނެ އެވެ.

ގިނަ މީހުން ބުނާގޮތުގައި ޖަނަވާރުންތައް މަރަނީ ވަރަށް އިހާނެތިކޮށެވެ. ބައެއް ޖަނަވާރުންގެ ގައިގައި ތަޅައިގެން މަރާ އިރު އަނެއްބައި ޖަނަވާރުން ދިރިހުއްޓާ ކައްކާލަ އެވެ. ކުއްތާ 1000 މޭލު ދުރުން އަންނައިރު އެއްޗެހިންނަށް ކާން އަދި ބޯން ނުދީ ބަހައްޓާކަމަށް އެކްޓިވިސްޓުން ބުނެ އެވެ.

ކުއްތާގެ މަސް އިންސާނުންނަށް ޗައިނާގައި ވިއްކުމަކީ މަނާކަމެއް ނޫނެވެ. ޔޫލިންގެ މި ފެސްޓިވަލް އަކީ ޗައިނާގެ އެތައްބަޔަކު އިތިޒާރުކުރާ ފެސްޓިވަލް އެކެވެ. ރެސްޓޯރެންޓް ތަކުގާ ކުއްތާގެ މަހުން ހަދާފައި ހުންނަ  އެކިވައްތަރުގެ ކާނާ ހުރެއެވެ. އަދި އެކި ދިމަދިމާލުން މީހުން ޗައިނާއަށް ކުއްތާއިން ހަދާ ކެއުންތައް ކާންއާދެ އެވެ. އެކަމަކު ކޮންމެ އަހަރަކުވެސް މިކަމަށް ފާޑުކިޔާ މީހުން ދާނީ އިތުރުވަމުން ނެވެ.

ބައިވަރި އެކްޓިވިސްޓް ގުރޫޕްތަކުން ދަނީ ކުއްތާތައް ސަލާމަތް ކުރުމަށް މަސައްކަތް ކުރަމުން ނެވެ. ޔޫލިންގެ ސަރުކާރުން ބުނަނީ އެސަރުކާރުން މިކަމަށް އެއްވެސް ތާއީދެއް ނުކުރާ ކަމަށެވެ.

ގިނަބައެއްގެ ފާޑުކިޔުމާއި ނުރުހުން މި ފެސްޓިވަލްއައް އަމާޒުވުމާއި ގުޅިގެން މިހާރު ގިނަ ބަޔަކު ތިބެނީ ކުއްތާ މަހާއި ދުރުގަ އެވެ.