ބަނދަރު ސަރަހައްދުން ބިޑް ކާމިޔާބު ކުރި ފަރާތްތަކަށް ޖުލައި މަހު ބިން ހަވާލުކުރަނީ

ކުޅުދުއްފުށީ އުތުރު ބަނދަރު ސަރަހައްދުން ތެލާއި ގޭހުގެ ވިޔަފާރީއަށް ބިން ބޭނުންވާ ފަރާތްތަށް ބީލަން ލުމަށް ހުޅުވާލި ފުުރުސަތުގައި ބީލަން ކާމިޔާބު ކުރެއްވި ފަރާތްތަކަށް ބިން ހަވާލު ކުރުމުގެ މަސައްކަތް އަންނަ ޖުލައިމަހު ފެށޭނެ ކަމަށް ކުޅުދުއްފުށި ކައުންސިލުން ވިދާޅުވެއްޖެ އެެވެ.

ކޭއޯ އަށް މައުލޫމާތު ދެމުން ކުޅުދުއްފުށީ ކައުންސިލްގެ ރައީސް އަލީ މުހައްމަދު ވިދާޅުވީ ބިން ހަވާލު ކުރުމުގެ މަސައްކަތް ލަސްވީ ބިޑް އިވެލުވޭޓް ކުުރުމުގައި މައްސަލަތަކެއް ކުރިމަތި ވުމުން އެ މައްސަލަތައް ހައްލު ކުރުމަށް ސަރުކާރުގެ ބައެއް އިދާރާތަކުން މައުލޫމާތު ސާފުކުރެއްވުމަށް ދަތިތަކެއް ދިމާވުމުން ކަމަށެވެ.

ނަމަވެސް އިވެލުވޭޝަންގެ މަސައްކަތް މިހާރުމިނިފައި ވާކަމަށާއި މަސައްކަތް ކުރެވެމުން ދަނީ ބިޑް ކާމިޔާބު ކުރި ފަރާތްތަކާއި އެކު އަންނަ ޖުލައި މަސް ތެރޭގައި އެގްރީމެންޓުގައި ސޮއިކޮށް ބިން ހަވާލު ކުރުމަށް ކަމަށް އަލީ މުހައްމަދު ވިދާޅުވި އެވެ. އަދި އެ 6 ފަރާތްތައް ބިން ހަވާލު ކުރުމަށްފަހު އިތުުރަށް ދޫ ކުރުމަށް ހަމަޖެހިފައިވާ 6 ބިމަށް އެދުމުގެ ފުރުސަތު ހުޅުވާލާނެ ކަމަށްވެސް އަލީ މުހައްމަދު ވިދާޅުވި އެވެ.

ބަނދަރު ސަރަހައްދުން 2000 އަކަފޫޓްގެ 12 ބިން ކުއްޔަދިނުމަށް ވަނީ ހަމަޖެހިފައެވެ.