އަންނަ ރިޔާސީ އިންތިހާބުގައި ކުރިމަތިލައްވާ ވާދަ ކުރެއްވުމަށް އުމަރު ނަސީރު ނިންމަވާ އެކަން އިއުލާން ކުރައްވައިފި އެވެ.
ހޯމް މިނިސްޓަރު ކަމުން އިސްތިއުފާ ދެއްވި އުމަރު މިކަން އިއުލާން ކުރެއްވީ ދާދި ދެންމެއަކު ކުރެއްވި ޓްވީޓެއް މެދުވެރިކޮށެވެ. މި ނިންމެވުން ނިންމަވާ އުމަރު އިއުލާން ކުރެއްވީ އުމަރު ވެސް ނިންސްބަތްވާ ޕީޕީއެމްގެ ތެރޭގައި ބޮޑެތި ކޯޅުން އުފެދި ނުތަނަވަސް ކަމެއް މެދުވެރިވެފައި ވަނިކޮށެވެ.
I have decided to run in the 2018 Presidential Election.
— Umar Naseer (@UmarNaseerPPM) July 1, 2016
ވަކިން ހާއްސަކޮށް ޕާޓީގެ ރައީސް މައުމޫން އަބްދުލް ގައްޔޫމާއި ރައީސުލްޖުމްހޫރިއްޔާ އަބްދުﷲ ޔާމީނާއާއި އެމަނިކުފާނަށް ތާއީދު ކުރައްވާ ފަރާތްތަކާ ދެމެދު ބޮޑެތިހަމަނުޖެހުންތަކާއި ކޯޅުންތައް އުފެދިފައި ވަނިކޮށެވެ. ރައީސް މައުމޫނު ރޭ ވަނީ ޕީޕީއެމްގެ ކަންތައްތައް އިސްލާހު ކުރެއްވުމަށް އިސްލާހީ އެޖެންޑާއެއްވެސް އިއުލާން ކުރައްވާފައެވެ. ޕީޕީއެމްގެ ޕީޖީ ގުރޫޕުން ވަނީ މައުމޫނު ވާހަކަތަކަށް މިއަދު ރައްދު ދެއްވާފައެވެ.
ދެން އޮންނަ ރިޔާސީ އިންތިހާބުގައި ވާދަކުރައްވާނެ ކަމަށް އުމަރު މިއަދު އިއުލާން ކުރެއްވި ނަމަވެސް، މިނިސްޓަރުގެ މަގާމުގައި ހުންނެވިއިރު، މީޑިއާތަކުގައި އޭނާ ވިދާޅުވެފައި ވަނީ އެންމެ އަވަހަށް ވެސް ވާދަކުރައްވާނީ 2023ގެ އިންތިހާބުގައި ކަމަށެވެ. އުމަރުގެ ކުއްލި ނިންމުން އައި ސަބަބެއް އަދި ސާފެއް ނުވެ އެވެ.
ފާފު މަޝްރޫއު ހުއްޓުވި މީހުން ރަސްމާލެ މަޝްރޫއަށް ބަހެއް ނުބުނާތީ ޔާމީންގެ ނުރުހުން
ބިދޭސީންގެ މައްސަލަ އަންނަ މޭ މަހަށް ހައްލުވާނެ: އިހުސާން
ކުޅުދުއްފުށީގައި ތުތި ބޯވަދިލަމަސް ބޭނުމުގެ ތަމްރީނު ޕްރޮގްރާމެއް، ބައިވެރިވުމަށް ހުޅުވާލައިފި
ސާވިސް ޗާޖު ޑޮލަރުން ދޭން ލާޒިމްކުރާ ބިލް އަވަސްކޮށްދޭން އެދިއްޖެ
