ހދ އަތޮޅު ކައުންސިލާއި، ސިވިލް ސާރވިސް އިންސްޓިޓިއުޓާ ގުޅިގެން އަންނަ އޯގަސްޓް މަހު 2 ކޯހެއް ކުޅުދުއްފުށީގައި ހިންގުމަށް ހަމަޖެހިއްޖެ އެވެ.
އެގޮތުން ހިންގުމަށް ހަމަޖެހިފައިވާ 2 ކޯހަކީ ސެޓްފިކެޓް 3 އިން އޮފީސް އެޑްމިނިސްޓްރޭޝަން އަދި ސެޓްފިކެޓް 3 އިން ޕްރޮޖެކްޓް މެނޭޖްމެންޓެވެެ. މި ދެ ކޯހުގެ މުއްދަތަކީ 3 މަސް ދުވަހެވެ.
އެގޮތުން ކޯހުގައި ބައިވެރިވުމަށް އެދޭ ފަރާތްތަކަށް އެޕްލިކޭޝަން ފޯމް އަތޮޅު ކައުންސިލް އިދާރާއިން އަދި ސިވިލް ސާރވިސް ޓްރެއިނިން އިންސްޓިޓިއުޓުން ލިބެން ހުންނާނެ ކަމާށާއި ނުވަތަ އަތޮޅު ކައުންސިލް ވެބްސައިޓު www.haadhaal.gov.mv ޑައުންލޯޑް ކުރެވޭނެ ކަމަށް އެ ކައުންސިލުން ނެރެފައިވާ އިއުލާނުގައި ބުނެފައި ވެއެވެ
ކޯހުގައި ބައިވެރިވުމުގެ ފެންވަރު ނުވަތަ ޝަރުތަކީ ސާނަވީ ތައުލީމު ފުރިހަމަކޮށްފައިވުން، ނުވަތަ ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 2 ގެ ސަނަދެއް ހާސިލުކޮށްފައިވުން، ނުވަތަ އުމުރުން 18 އަހަރުފުރި، ގުޅުން ހުރި ދާއިރާއެއްގައު 1 އަހަރު ދުވަހުގެ މަސައްކަތުގެ ތަޖުރިބާ ލިބިފައި ވުމެވެ.
އެގޮތުން އެޕްލިކޭޝަން ފޯމްތަށް ބަލައިގަންން އެންމެ ފަހު ތާރީހަކީ މި ޖުލައި މަހު 13 ވާ ހޯމަ ދުވަހުގެ މެންދުރުފަހު 14:00 ގެ ކުރިންނެވެ. ފޯމް އަތޮޅު ކައުންސިލަށް މެއިލް ނުވަތަ ފެކްސް މެދުވެރިކޮށްވެސް ހުށައެޅޭނެ ކަމަށް އިއުލާނުގައި ވެއެވެ. ކައުންސިލްގެ މެއިލް އެޑްރެހަކީ [email protected] އަދި ފެކްސް ނަންބަރަކީ 6528872 އެވެ.
ކޯހުގެ ފީ އަކީ 1500 ރުފިޔާ ކަމާއި ކޯހަށް އެދޭ ފޯމާއިއެކު ދިވެހި ރައްޔިތެއްކަން އަންގައިދޭ ކާޑުގެ ކޮޕީ، އެކްރެޑިޓް ކޮށް އަސްލާ އެއްގޮތްކަމުގެ ތައްގަނޑު ޖަހާފައިވާ ސަނަދުގެ ކޮޕީ، މަސައްކަތުގެ ތަޖުރިބާ ހުރިކަން އަންގައިދޭ ލިޔުމާއި އެކު ކޯހުގެ ބައިވެރިވުމާއިމެދު އިއުތިރާޒުނުުކުރާކަމަށް ވަޒީފާ އަދާ ކުރާ އިދާރާއިން ދޭ ލިއުން ހުށައަޅަން ޖެހޭކަމަށް އިއުލާނުގައި ވެެެއެވެ.
އިތުރު މައުލޫމާތު ސާފުކުރެއްވުމަށް ބޭނުންވާ ބޭފުޅުން 6521100 އަށް ގުޅުއްވާ މައުލޫމާތު ސާފުކުރެއްވުމަށް އަތޮޅު ކައުންސިލުން އެދެއެވެ.
ކުޅުދުއްފުށީގައި ބާއްވާ އަންހެން މަސައްކަތެރިކަމުގައި މައުރަޒު ހުޅުވައިފި
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
