ސެޕްޓެމްބަރު މަހު ވިލާކޮލެޖުން ފަށާ 53 ކޯހެއްގައި ބައިވެރިވުމުގެ ފުރުސަތު ހުޅުވާލައިފި

އަންނަ ސެޕްޓެމްބަރުމަހު ފެށުމަށް ހަމަޖެހިފައިވާ 53 ކޯހެއްގައި ބައިވެރިވުމުގެ ފުރުސަތު ވިލާ ކޮލެޖުން ހުޅުވާލައިފިއެވެ

.

ސެޕްޓެމްބަރުމަހު ފެށުމަށް ހަމަޖެހިފައިވާ ކޯސްތައް އިއުލާން ކުރުމަށް ވިލާ ކޮލެޖްގައި ބޭއްވި ނޫސްވެރިންގެ ބައްދަލުވުމެއްގައި އެކޮލެޖުން ވަނީ އިންފޮރމޭޝަން ޓެކްނޮލޮޖީ ބިޒްނަސް މެނޭޖްމަންޓާއި ޓީޗިން އާއި އެޑިއުކޭޝަން އާއި ޝަރީޢާ އެންޑް ލޯ އާއި ހިއުމަން ރިސޯސަސް އާއި އެކައުންޓިންގ އަދި މެރިން ސްޓަޑީސް ދާއިރާއިން ކޯސްތައް ހުޅުވާލާފަ އެވެ. އަދި އެއްްހާހަށްވުރެ ގިނަ ޖާގަ މި ކޯސްތަކަށް ވަނީ ހުޅުވާލެވިފައިވާ ކަމަށް އެ ކޮލެޖުން މައުލޫމާތު ދެއެވެ

.

މި ކޯސްތަކުގެ ތެރޭގައި ހިމެނޭ ޔުނިވަރސިޓީ އޮފް ދަ ވެސްޓް އޮފް އިންގްލޭންޑްގެ ބީ.އޭ (އޮނަރސް) އާރލީ ޗަޔަލްޑް ހުޑާއި ބީ.އޭ (އޮނަރސް) ޕްރައިމަރީ ޓީޗަރ އެޑިއުކޭޝަން އަދި އެމް.އެސް.ސީ އިންފޮރމޭޝަން ޓެކްނޮލޮޖީ ކޯހަކީ ސެޕްޓެމްބަރުމަހު މުޅީން އަލަށް ފެށުމަށް ހަމަޖެހިފައިވާ 3 ކޯސްކަމަށް ވިލާ ކޮލެޖުން މައުލޫމާތު ދެ އެވެ.

ެމިކޯސްތަކާއި ގުޅޭ ގޮތުން އެކޮލެޖްގެ ރެކްޓަރ ޑރ. އަހްމަދު އަންވަރު ވިދާޅުވަނީ އެކޮލެޖުން މަތީތައުލީމުގެ ގިނަ ކޯސްތަކެއް ރާއްޖޭގައި ހިންގަމުންދާކަމަށެވެ. އަދި ބޭނުންވަނީ ދުނިޔެއިން މަޝްހޫރު ޔުނިވަރސިޓީތަކުގެ ކޯސްތައް ދިވެހި ޒުވާނުންނަށް ހެޔޮ އަގުގައި ފޯރުކޮށްދިނުމަށް ކަމަށް ޑރ. އަހުމަދު ވިދާޅުވި އެވެ

.

މާލޭގައި ހުންނަ ވިލާ ކޮލެޖުގެ ކިއު.އައި ކެމްޕަހުގެ އިތުރުން އޭދަފުއްޓާއި ނައިފަރާއި ފުނަދޫއާއި އައްޑޫ އަދި މަހިބަދޫގެ އިތުރުން އެހެނިހެން ލާރނިންގ ސެންޓަރުތަކުގައި ވެސް ތަފާތު ކޯސްތައް ކުރިއަށްދާނެކަމަށް ވިލާކޮލެޖުން ބުނެއެވެ.

މިއަންނަ ސެޕްޓެމްބަރުމަހު ވިލާކޮލެޖުން ފެށުމަށް ހަމަޖެހިފައިވާ ކޯސްތަކުގައި ބައިވެރިވާން އެދޭ ފަރާތްތަކުން އޮގަސްޓްމަހުގެ 7 ވަނަަ ދުވަހުގެ ނިޔަލަށް ކޯސްތަކުގައި ބައިވެރިވުމަށް އެދި ހުށައެޅުމުގެ ފުރުސަތުވަނީ ހުޅުވާލާފަ އެވެ.