ޔުނީފޯމް މައްސަލާގައި އޭއީސީ ޑެޕިއުޓީ ޕްރިންސިޕަލް ވަޒީފާއިން ވަކިކޮށްފި

އެޑިއުކޭޝަން މިނިސްޓްރީގެ ހުއްދަ ނުހޯދައި ހދ އަތޮޅު ތައުލީމީ މަރުކަޒުގެ ޔުނިފޯމް ބަދަލުކުރި މައްސަލައިގައި އާއި އެތަނުގެ ބައު ހޯލް އިމާރާތް މަރާމާތުކުރުން މަޑު ޖައްސާލީ މައްސަލައިގައި އޭރު އެ ސްކޫލު ހިންގުމާ ހަވާލުވެހުންނެވި ޑެޕިއުޓީ ޕްރިންސިޕަލް އަހުމަދު އަބުދުﷲ ވަޒީފާއިން ވަކިކުރައްވައިފި އެވެ.

މި ދެ މައްސަލައި އަހުމަދު ވަޒީފާއިން ވަކިކުރެއްވި ކަން އޭނާއަށް އަންގާފައިވަނީ އިއްޔެ މެންދުރުފަހުގެ ވަގުތެއްގަ އެވެ.

މިއަހަރު ދިރާސީ އާ އަހަރުގެ ކިޔެވުން ފެށުނު ދުވަސްވަރު ހިންގާފައިވާ މި ދެ މައްސަލައިގައި މީގެ ކުރިން އަހުމަދު ވަނީ އެޑިކޭޝަން މިނިސްޓްރީއަށް ވެސް ހާޒިރުކުރައްވާފަ އެވެ.

މިކަމުގައި އަހުމަދުގެ ބަހެއް އަދި އެޑިކޭޝަން މިނިސްޓްރީގެ ބަހެއް ވެސް ލިބޭގޮތް ނުވެފަ އެވެ.

އަހުމަދަކީ ހދ އޭއީސީގެ އެކި މަގާމުތައް 10 އަހަރަށް ވުރެ ގިނަ ދުވަހު ފުރުއްވާފައިވާ ގިނަ ދަރިވަރުންތަކަކާއި ބެލެނިވެރިންގެ ލޯބި ހޯދަވާފައިވާ ބޭފުޅެކެވެ.