ބުދަ ދުވަހުން ފެށިގެން ސަރުކާރުގެ ރަސްމީ ގަޑި ކުރިއެކޭ އެއްގޮތައް ބަދަލުކުރަނީ

ޝައްވާލް މަހުގެ ފުރަތަމަ 6 ދުވަހު ސަރުކާރުގެ ރަސްމީ ގަޑިއަކީ ހެނދުނު 10:00 އިން މެންދުރުފަހު 14:00 އަށް ކަމުގައި ރައީސުލްޖުމްހޫރިއްޔާ ހަމަޖައްސަވައިފިއެވެ.

މިގަޑިއަކީ 1437 ވަނަ އަހަރުގެ ރަމަޟާން މަހުގައިވެސް ސަރުކާރުގެ ރަސްމީ ގަޑީގެ ގޮތުގައި ހަމަޖައްސަވާފައިވާ ގަޑިއެވެ.

ރައީސުލްޖުމްހޫރިއްޔާ މިގޮތަށް ހަމަޖެއްސެވީ ޝައްވާލް މަހުގެ ފުރަތަމަ 6 ދުވަހު ސުންނަތް ރޯދަ ހިފަން ބޭނުންވާ ފަރާތްތަކަށް ފަސޭހަ ކުރުމުގެ ގޮތުންކަމަށް ރައީސް އޮފީހުން މައުލޫމާތު ދެއެވެ.

އަދި މި ޝައްވާލް މަހުގެ 7 ވާ ބުދަ ދުވަހުން ފެށިގެން ސަރުކާރުގެ ރަސްމީ ގަޑި ކުރިން ހަމަޖެހިފައިވާގޮތަށް ހެނދުނު 08:00 އިން މެންދުރުފަހު 14:00 އަށް ބަދަލުވާނެ ކަމަށްވެސް އެ އޮފީހުން ހާމަކުރައްވައެވެ.