އަންހެން ދަރިފުޅަށް ޖިންސީ ގޯނާ ކުރުމުގައި މަންމަގެ އަތެއްވާ ކަމަށް ތުހުމަތުކޮށް، ހައްޔަރުކޮށްފި

ފިރިހެނަކާ އެކު އަންހެން ދަރިފުޅަށް ޖިންސީ ގޯނާ ކުރުމުގައި މަންމަގެ އަތެއްވާ ކަމަށް ތުހުމަތުކޮށް، ހައްޔަރުކޮށްފި އެވެ. ޖިންސީ ގޯނާކުރި ފިރިހެން މީހާ ވެސް ވަނީ ފުލުހުންގެ ހައްޔަރުގަ އެވެ.

“ކުޅުދުއްފުށި އޮންލައިނަށް” އިތުބާރު ހުރި ގޮތަށް އެނގިފައިވަނީ މިކަމެއް ހިންގާފައިވަނީ އަންހެން ކުއްޖާގެ ނުރުހުމުގަ އެވެ. އަދި އެކަން ކުރަނީ އެކުއްޖަގެ މަންމައަށް ފައިސާ އާއި އެހެނިހެން ތަކެއްދީގެން ކަންވެސް އެނގިފައިވެ އެވެ. މިކަން ހިނގާފައިވަނީ ކުޅުދުއްފުށީގަ އެވެ.

އެނގިފައިވާ ގޮތުގައި ގާތްގަނޑަކަށް 50 ހަކަށް އަހަރުގެ އެ ފިރިހެން މީހާ ދިރިއުޅެނީ މާލޭގަ އެވެ. އަދި ބައެއް ޗުއްޓީތަކަށް ކުޅުދުއްފުއްޓަށް އައިސް އެމީހާ ހުންނަނީ އެކުއްޖާގެ ގޭގަ، އެކުއްޖާގެ މަންމަގެ ހިމާޔަތުގަ އެވެ.

16 އަހަރުގެ މިކުއްޖާއަށް މަންމަގެ އެހީތެރިކަމާ އެކު އެކި ފަހަރު މަތިން އެމީހާ ޖިންސީ ގޯނާކޮށްފައިވާކަމަށް އިތުބާރު ހުރި މަސްދަރުތަކުން މިނޫހަށް ކަށަވަރުކޮށްދީފައިވެ އެވެ.

މިކަމުގައި ފުލުހުންގެ ބަހެއް އަދި ވަނީ ލިބޭގޮތް ނުވެފަ އެވެ.