މިނިވަން ދުވަހުގެ ދިދަ ނެގުމުގެ ރަސްމިއްޔާތު ބޭއްވުމަށް ކައުންސިލުތަކަށް އަންގައިފި

Jul 12, 2016

މިނިވަން ދުވަހުގެ ދިދަ ނެގުމަށް ހާއްސަ ރަސްމިއްޔާތެއް ބޭއްވުމަށް ހޯމް މިނިސްޓްރީން ކައުންސިލުތަކަށް އަންގައިފި އެވެ.

މި އަހަރުގެ މިނިވަންދުވަސް ފާހަގަކުރުމަށް ކޮންމެ ރަށެއްގައި ވެސް ޖުލައި 26 ވިލޭރޭ ގައުމީ ދިދަ ނެގުމަށް ހާއްސަ ރަސްމިއްޔާތެއް ބާއްވަން ހޯމް މިނިސްޓްރީން ކައުންސިލްތަކަށް އެދެފި އެވެ.

މި ޖުލައި 26 ވިލޭރޭ ގައުމީ ދިދަ ނެގުމުގެ ރަސްމިއްޔާތުގައި، ކޮންމެ ރަށެއްގައި ވެސް ދިދަ ނަންގަވާދެއްވާނީ އެރަށެއްގައި ހުންނަވާ ސަރުކާރުގެ އެންމެ އިސްވެރިއެކެވެ. އަދި މިރަސްމިއްޔާތުގައި ވީހާވެސް ގިނަ ރައްޔިތުން ބައިވެރިކުރުމަށާއި ގައުމީ ސަލާމް ކިއުމަށްވަނީ އަންގާފަ އެވެ.

އަދި ދުވަހާ ގުޅޭގޮތުން އިތުރު ހަރަކާތްތަކެއް ބާއްވާނަމަ އެކަމެއްގެ މައުލޫމާތު ހޯމް މިނިސްޓްރީ އަށް ދެއްވުމަށާއި މިނިވަން ދުވަހުގެ ދިދަ ނެގުމުގަ ރަސްމިއްޔާތުގައި ބައިވެރިވި ސަރުކާރުގެ މުއައްސަސާތަކާއި ބައިވެރިންގެ އަދަދު އެނގޭނެގޮތަށް ރިޕޯޓެއް ތައްޔާރުކޮށް ފޮނުވައިދިނުމަށް ވެސް ކައުންސިލްތަކުގައި މިނިސްޓްރީން ވަނީ އެދިފަ އެވެ.

މިލިޔުމާއި ގުޅޭ