ޒިގްޒެގް ޖަމިއްޔާގެ ހިންގާކޮމެޓީގެ މަގާމްތަކަށް ކުރިމަތިލުމުގެ ފުރުސަތު ހުޅުވާލައިފި

ޒިގްޒެގް ޖަމިއްޔާއިން 3 ވަނަ ދައުރުގެ ހިންގާކޮމެޓީގެ މަގާމްތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.

މިޖައްމިއްޔާގެ 2 ވަނަ ހިންގާކޮމެޓީގެ ދައުރު މި ޖުލައި މަހުގެ ނިޔަލަށް ހަމަވާތީވެ އެޖަމިއްޔާއިން މިވަނީ ހިންގާކޮމެޓީގެ މަގާމުތަކަށް ކުރިމަތުލުމުގެ ފުރުސަތު ހުޅުވާލައިފަ  އެވެ.

އެގޮތުން ހުޅުވާލާފައިވާ މަގާމުތަކަކީ ޗެއަރމަންކަމާއި ވައިސް ޗެއަރމަން ކަމާއި އެޑްމިނިސްޓްރޭޓިވް އޮފިސަރ ކަމާއި ސެކްރެޓޭރިއަޓް ކަމާއި ޓްރެޒަރަރ ކަމާއި އެސިސްޓެންޓް ޓްރެޒަރަރ ކަމުގެ މަގާގް އަދި އެގްޒެކްޓިވް މެމްބަރ ކަމުގެ މަގާމެވެ.

މީގެ ތެރެއިން ވައިސް ޗެއަރމަން ކަމަށް 2 ބޭފުޅުން ނަގާއިރު އެގްޒެކްޓިވް މެމްބަރުކަމުގެ މަގާމަށް 5 ބޭފުޅުން ނަގައެވެ. އަދި އެހެން ހުރިހާ މަގާމުތަކަށް ނަގަން ހަމޖެހިފައިވަނީ 1 ބޭފުޅުން ކަމަށް ޒިގްޒެގުން ކުރި އިއުލާނުގައި ވެއެވެ.

ވީމާ މިމަގާމިތަކަށް ކުރިމަތިލުމަށް ޝައުގުވެރިވާ ޖަމިއްޔާގެ މެމްބަރުން މަގާމަށް އެދޭ ފޯމު ފުރިހަމަކުރުމަށް ފަހު 17 ޖުލައި 2016 ވާ އާދިއްތަ ދުވަހުގެ ހަވީރު 17:00 ގެ ކުރިން ކަނބުލޮ ފިހާރައަށް ހުށައެޅުމަށް އިއުލާނުގައިވެއެވެ. މިމަގާމުތަކަށް ކުރިމަތިލުމަށް ފުރާފޯމް ޖަމިއްޔާގެ ރަސްމީ ފޭސްބޮކް ޕޭޖުންނާއި ކަންބުލޮ ފިހާރައިން ލިބެންހުންނާނެއެވެ. އަދި އިތުރުމައުލޫމާތު ސާފުކުރުމަށް 7938817 ނަންބަރު ފޯނަށް ގުޅުމަށް އިއުލާނުގައިވެއެވެ.