އަފީފުއްދީންގެ މަސައްކަތު ދުވަހުން ރިކޯޑް އަދަދަކަށް ފައިސާ ހޯދައިފި

އަފީފުއްދީން ސްކޫލުގެ މަސައްކަތު ދުވަސް ފާހަގަކޮށް ރިކޯޑް އަދަދެއްގެ ފައިސާ ބެލެނިވެރިން ހޯދައިފި އެވެ. މިއީ އެސްކޫލުގައި ޕީޓީއޭ ފަންޑަށް ފައިސާ ހޯދުމަށް ހިންގި ތަފާތު ހަރަކާތަކުގެ ތެރެއިން އެންމެ ގިނައިން ރުފިޔާ ލިބުނު ފަހަރެވެ.

އިއްޔެ އެސްކޫލުގެ ބެލެނިވެރިން ނިކުމެ ހިންގި މަސައްކަތް ދުވަހުން 67165 ރުފިޔާ ހޯދާފައިވެ އެވެ.

ޕީޓީއޭ ބަޖެޓްގައި ހިމެނިފައި ހުރި ކަންތައްތައް ކުރުމަށް ކުރިއަށްގެންދިޔަ މި މަސައްކަތް ދުވަހުގައި އެސްކޫލުގެ ގިނަ ބެލެނިވެރިންތަކެއް ވަނީ ބައިވެރިވެފަ އެވެ. އިއްޔެ ހެނދުނު 8:00 ފެށިގެން ކުރިއަށްގެންދިޔަ މި މަސައްކަތު ދުވަސް ނިންމާލީ މެންދުރުފަހު އެވެ.