ބިޒްނަސް ސެންޓަރުން ފިއްލަދޫ އާއި ބާރަށުގައި ވިޔަފާރި ހިންގަން ބޭނުންވާ ފަރާތްތަކަށް ތަމްރީން ޕްރޮގްރާމެއް ބާއްވައިފި

މިނިސްޓްރީ އޮފް އިކޮނޮމިކް ޑިވެލޮޕްމެންޓުގެ ދަށުން ހދ. ކުޅުދުއްފުށީގައި ގާއިމުކޮށްފައިވާ ބިޒްނަސް ސެންޓަރު ހއ. ބާރަށާއި ހއ. ފިއްލަދޫގައި ކުދި އަދި މެދުފަންތީގެ ވިޔަފާރި ހިންގަން ބޭނުންވާ ފަރާތްތަކަށް ޚާއްސަކޮށްގެން ތަމްރީނު ޕްރޮގްރާމެއް ބާއްވައިފި އެވެ.

މި މަހު 14 އިން ފެށިގެން އިއްޔެގެ ނިޔަލަށް ކުރިއަށްގެންދިޔަ މި ޕްރޮގްރާމުގެ ބައިވެރިންނަށް ކިޔަވައިދީފައި ވަނީ މައިގަނޑު 7 ކަމެއް ކިޔަވައިދީފަ އެވެ. އެއީ ވިޔަފާރި ފެށުމާއި، އޯގަނައިޒް ކުރުމާއި، ވިޔަފާރިއަށް ފައިސާ ހޯދުމާއި، ވިޔަފާރީގެ ފައިސާއާއި ހިސާބުތައް ބެލެހެއްޓުމާއި، އިންސާނީ ވަސީލަތްތައް ބެލެހެއްޓުމާއި، ވިޔަފާރި މާކެޓު ކުރުމާއި ވިއްކުމުގެ އިތުރުން، ވިޔަފާރީގައި ކުރިމަތިވާ މައްސަލަތައް ދެނެގަތުމާއި ހައްލު ކުރުމެވެ.

މި ޕްރޮގްރާމުގައި ފިއްލަދޫ އަދި ބާރަށުން ކޮންމެ ރަށަކުން 20 ބައިވެރިން ވަނީ ބައިވެރިވެފަ އެވެ.