އިސްލާމިކް ބޭންކްގެ ކުޅުދުއްފުށީ ބުރާންޗް ހުޅުވުމަށްވާ އެންމެ ފަހުގެ ތައްޔާރީތައް

މޯލްޑިވްސް އިސްލާމިކް ބޭންކްގެ ކުޅުދުއްފުށީ ބުރާންޗް ހުޅުވުމަށްވާ އެންމެ ފަހުގެ ތައްޔާރީތައް ކުރަމުން އެބަދެ އެވެ.

މިމަސް ނިމުމުގެ ކުރިން މި ބުރާންޗު ހުޅުވުމަށް ވަނީ ހަމަޖެހިފައިވެ އެވެ. ކޭއޯ އަށް މައުލޫމާތު ދެއްވަމުން އެ ބޭންކްގެ މީޑިއާ ކޯޑިނޭޓަރު މުހައްމަދު ޝަފާއު ވިދާޅުވީ މިމަސް ތެރޭގައި ބޭންކް ހުޅުވުމަށްވާ ޖެހޭ އެންމެ ފަހުގެ ތައްޔާރީތައް ވަމުން އަންނަ ކަމަށެވެ.

އެގޮތުން އިސްލާމިކް ބޭންކިން އާއި ބެހޭ މައުލޫމާތު އާންމުންނާއި ވިޔަފާރިވެރިންނަށް ވަނީ ދީފައެވެ. މިހާރު ކުރިއަށްދަނީ ކޮންޒިއުމާ ފައިނޭންސްގައި ބައިވެރިވާ ވިޔަފާރިވެރިންނާއެކު އެމްއޯޔޫގައި ސޮއިކުރުމުގެ މަސައްކަތް ކަމަށެވެ.

ޝަފާއު ވިދާޅުވީ ކުޅުދުއްފުށީ ބުރާންޗުން ވެސް މާލެއިން ލިބޭ ހުރިހާ ހިދުމަތް ތަކެއް ވެސް ލިބެންހުންނާނެ ކަމަށެވެ.

އިސްލާމިކް ބޭންކުގެ ކުޅުދުއްފުށީ ބުރާންޗު ހުންނާނީ އަމީނީމަގުގައި ހުންނަ ޕެރިސްގެ އިމާރާތުގެ ގުރައުންޑް ފްލޯ އާއި ފަސްޓް ފުލޯގަ އެވެ.