މަދަދު ޝޯ މިއަހަރުވެސް ބާއްވަނީ

ކުޅުދުއްފުށީގައި ހުރި ސަރުކާރުގެ މުވައްސަސާތަކާއި ބައެއް ޖަމްއިއްޔާތައް ގުޅިގެން ތަފާތު ހުނަރުތައް ފެނިގެންދާ “މަދަދު ޝޯ” މި އަހަރުވެސް ބޭއްވުމަށް ހަމަޖެހިއްޖެ އެވެ.

އަމީރު އަމީން ސްކޫލުން އިންތިޒާމް ކުރާ މި ޝޯގައި ބައިވެރިވާ މުވައްސަސާތަކުގެ ތެރޭގައި އަތޮޅު ކައުންސިލް، ޖެންޑާ، ޑީއެލްޑީ، ޕޮލިސް، ފެނަކަ، ހޮސްޕިޓަލް، ކަސްޓަމް، އިމިގްރޭޝަން އަދި ސްކޫލްގެ ބެލެނިވެރިންނާއި ޓީޗަރުން ހިމެނެ އެވެ.

މި ޝޯއިން ފެނިގެންދާނެ އައިޓަމްތަކުގެ ތެރޭގައި ބޮޑުބެރު ،ޑުރާމާ، ލަވަ އަދި އެކި ނެށުންތަށް ހިމެނެއެވެ.

މި ޝޯ ބޭއްވުމަށް ހަމަޖެހިފައި ވަނީ ޖުލައި 28 އަދި 29 ވާ ދެ ދުވަހުގެ ރޭ 8:45 ގައި ތިލަދެކުނު ސިނަމާގަ އެވެ. ޝޯގެ ޓިކެޓް ލިބެން ހުންނާނީ 20 ޖުލައިން ފެށިގެން ތިލަދެކުނު ސިނަމާއިންނެވެ. ޝޯގެ ޓިކެޓެއްގެ އަގަކީ 50 ރުފިޔާ އެވެ.

މި ޝޯގެ މައިގަނޑު މަގުސަދަކީ އަމީރު އަމީރު ސްކޫލްގެ ކުޅޭ ބިމުގައި އަވިނެޓް ދަމާ ކުޅޭ ބިމަށް އިތުރު ކުޅޭ ތަކެތި ހޯދުމަށް ކަމަށް އަމީރު އަމީން ސްކޫލުން މައުލޫމާތު ދެއެވެ.

މި ޝޯ ސްޕޮންސަރ ދިން ފަރާތްތަކަށާއި އެކި ގޮތްގޮތުން އެހީތެރިވެދިން ފަރާތްތަކަށް އެސްކޫލުން ވަނީ ޝުކުރު އަދާކޮށްފަ އެވެ.