ފަރިޔާލް ނިޔާވި މައްސަލައިގެ ތަހުގީގު ނުނިމޭކަމަށް މެޑިކަލް ކައުންސިލުން ބުނެފި

ސިޒޭރިއަން ހެދުމުގެ ތެރޭގައި މިދިޔަ ޖެނުއަރީ މަހު ނިޔާވި އައިޝަތު ފަރިޔާލު ގެ މައްސަލަ އަދިވެސް ނުނިމޭކަމަށް މެޑިކަލް ކައުންސިލުން ބުނެފި އެވެ.

އެ ކައުންސިލުގެ އޮޕިޝަލަކު “ސަން” އަށް މައުލޫމާތު ދެމުން ބުނެފައިވަނީ އެ މައްސަލައިގެ ތަހުގީގު ނިމުމުން އެކަމުގެ މައުލޫމާތު މީޑިއާއި ހިއްސާ ކުރާނެ ކަމަށާއި އެކަމުގެ ތަހުގީގު އަދި ނުނިމޭ ކަމަށެވެ.

މި މައްސަލާގައި ފަރިޔާލް އޮޕަރޭޝަން ކުރި ޑޮކްޓަރ އެ ހާދިސާއަށް ފަހު މާލެ ގެނެސް އައިޖީއެމްއެޗުގައި ބަހައްޓައިގެން އެސެސްމެންޓުތަކެއް ހެދުމަށް ފަހު ކޮންޓްރެކްޓް ހަމަވުމުން އަނބުރާ އޭނާގެ ގައުމަށް ވަނީ ފޮނުވާލާފަ އެވެ.

ފަރިޔާލް ގެ މައްސަލައާއި ގުޅިގެން ގިނަ ރައްޔިތުންތަކެއް ވަނީ ހޮސްޕިޓަލް ކައިރިއަށް އެއްވެ މުޒާހަރާވެސް ކޮށްފަ އެވެ.