މިނިވަން ދުވަހުގެ ދިދަ ނެގުމުގެ ރަސްމިއްޔާތުގައި ކައުންސިލުގެ ރައީސް ބައިވެރިވަޑައެއް ނުގަތް

މިނިވަން ދުވަހުގެ ދިދަ ނެގުމުގެ ރަސްމިއްޔާތުގައި ކުޅުދުއްފުށީ ކައުންސިލުގެ ރައީސް އަލީ މުހައްމަދު ބައިވެރިވެޑައެއް ނުގަންނަވަ އެވެ.

އަލީ މުހައްމަދު ދިދަ ނެގުމުގެ ރަސްމިއްޔާތަށް ވަޑައިނުގަތީ ކީއްވެތޯ ސާފުކޮށްލުމަށް ގުޅައިލުމުން ފޯނަށް ޖަވާބު ނުދެއްވާތީ އޭނާގެ ބަހެއް ވަނީ ލިބޭގޮތް ނުވެފަ އެވެ.

ރޭ 12 ގެ ހދ އަތޮޅު ކައުންސިލް އިދާރާގައި ބޭއްވި މި ރަސްމިއްޔާތުގައި ކުޅުދުއްފުށީ ކައުންސިލުގެ ރައީސްގެ އިތުރުން، އިތުރު ބައެއް ކައުންސިލަރުންވެސް ބައިވެރިވެފައެއް ނުވެ އެވެ.

މިއަހަރު ދިދަ ނެގުމުގެ ރަސްމިއްޔާތުގައި އެހެން އަހަރުތަކާ ތަފާތުކޮށް މި ރަސްމިއްޔާތުގައި ބައިވެރިވެފައިވަނީ ވަރަށް މަދު ކައުންސިލަރެކެވެ. އާއްމުގެ ތެރެއިންވެސް ދިދަ ނެގުމުގެ ރަސްމިއްޔާތުގައި ބައިވެރިވެފައިވަނީ މަދު ބައެކެވެ.