އަންނަ އާދިއްތަ ދުވަސް ވެސް ރަސްމީ ބަންދު ދުވަހެއްގެ ގޮތުގައި ހަމަޖައްސައިފި

މިނިވަން ދުވަހުގެ ހަރަކާތްތަކާ ގުޅިގެން އަންނަ އާދިއްތަ ދުވަސް ވެސް ރަސްމީ ބަންދު ދުވަހެއްގެ ގޮތުގައި ރައީސް އަބްދުﷲ ޔާމީނު އަބްދުލްގައްޔޫމް ހަމަޖައްސަވައިފި އެވެ.

މިނިވަން ދުވަހާ ގުޅިގެން އާންމު ގޮތެއްގައި ސަރުކާރު ބަންދުކުރަނީ މިނިވަން ދުވަހާއި ޖެހިގެން އަންނަ ދުވަސް އެކަނި ނަމަވެސް މި އަހަރު ވަނީ އެ ބަންދަށް އަންނަ އާދިއްތަ ދުވަސްވެސް އިތުރު ކޮށްފަ އެވެ.

ރައީސް އޮފީހުގެ ތަރުޖަމާނު އިބްރާހިމް މުއާޒު އަލީ މިއަދު ކުރެއްވި ޓުވީޓެއްގައި ވިދާޅުވީ އަންނަ އާދީއްތަ ދުވަސް ބަންދު ދުވަހެއްގެ ގޮތުގައި ރައީސް ހަމަޖެއްސެވީ މިނިވަން ދުވަހުގެ އެކި ހަރަކާތްތަކުގައި ސުކޫލު ދަރިވަރުންނާއި ސަރުކާރުގެ ގިނަ އަދަދެއްގެ މުވައްޒަފުން ބައިވެރިވާތީ ކަމަށެވެ.

ދެން ސަރުކާރު އޮފީސްތައް ހުޅުވޭނީ އަންނަ އޯގަސްޓަ މަހު 1 ވަނަ ދުވަހު އެވެ.