ކުޅުދުއްފުށީ ހޮސްޕިޓަލުގައި އެކޮމޮޑޭޝަން ބުލޮކެއް އިމާރާތްކޮށް، ހދ އަތޮޅުގެ 6 ސިއްހީ މަރުކަޒެއް ތަރައްގީ ކުރުމަށް ހުޅުވާލައިފި

ކުޅުދުއްފުށީ ރީޖަނަލް ހޮސްޕިޓަލުގައި އެކޮމޮޑޭޝަން ބުލޮކެއް އިމާރާތް ކޮށްދޭނެ ފަރާތެއް ހޯދުމަށް މިނިސްޓްރީ އޮފް ފައިނޭންސް އިއުލާންކޮށްފި އެވެ.

އެކޮމޮޑޭޝަން ބުލޮކް އިމާރާތުގެ ބިޑް ސެކިއުރީޓީއެއްގެ ގޮތުގައި 35000 ރުފިޔާ ހުށަހަޅަން ޖެހެ އެވެ. އެނގިފައިވާ ގޮތުގައި އެހޮސްޕިޓަލުގައި އިމާރާތްކުރަނީ 3 ބުރީގެ އެކޮމޮޑޭޝަން ބުލޮކެކެވެ. މި އެކޮމޮޑޭޝަން ބުލޮކަކީ މިއަހަރުގެ ބަޖެޓްގައި ހިމަނާފައިވާ މަޝްރޫއު އެކެވެ.

މީގެ އިތުރުން ހދ އަތޮޅުގެ 6 ސިއްހީ މަރުކަޒެއް ތަރައްގީކުރުމަށްވެސް އިއުލާންކޮށްފައިވެ އެވެ. ކުރިނބީ، ނޮޅިވަރަންފަރު، ނާވައިދޫ، ކުމުންދޫ، ނެއްލައިދޫ އަދި ފިނޭގެ ސިއްހީ މަރުކަޒެވެ.

ސިއްހީ މަރުކަޒުތަކުގެ ބިޑް ސެކިއުރިޓީއެއްގެ ގޮތުގައި 15000 ރުފިޔާ ހުށަހަޅަން ޖެހެ އެވެ.

މިބީލަމުގައި ބައިވެރިވުމަށް -/1500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަވަންޖެހޭއިރު ފައިސާ ބަލައިގަންނާނީ 19 ސެޕްޓެންބަރ އިން 19 އޮކްޓޫބަރ އަށް، ބަންދުނޫން ކޮންމެ ދުވަހަކު 08:30 އިން 13:30 އަށް ފިނޭންސް މިނިސްޓްރީންނެވެ.

ބީލަން ހުޅުވުން އޮންނާނީ 20 އޮކްޓޫބަރ ވާ ބުރާސްފަތި ދުވަހުގެ 11:00ގައި މި ފިނޭންސް މިނިސްޓްރީގައެވެ