ސަރުކާރުން ރާއްޖޭގައި ސަބްސިޑީ ދެމުންގެންދާ، ކާޑުގެ ބާވަތްތައް ހަމައެކަނި ނިކަމެތިންނަށް ދިނުމަށް ނިންމައިފިއެވެ. ސަރުކާރުގެ މިނިންމުމާއެކު ކާޑުގެ އަގުވަނީ ބޮޑުކޮށްފަ އެވެ.
މިބަދަލާއެކު ހަނޑޫ ކިލޯއެއް އަގު 7.96 ރުފިޔާއަށް ބޮޑުވިއިރު ހަކުރު ކިލޯއެއްގެ އަގު 4.50 ރުފިޔާއަށް ވަނީ އުފުލިފަ އެވެ. އަދި ފުށް ކިލޯއެއްގެ އަގު 5.96 ރުފިޔާއަށް ވަނީ ބޮޑުވެފަ އެވެ.
އެންސްޕާގެ ސީއީއޯ މުޖުތަބާ ޖަލީލު ވިދާޅުވީ އެކަމުގެ ތަފްސީލް ވަރަށް އަވަހަށް ހާމަކުރާނެ ކަމަށާއި ތައުފީގު ވިދާޅުވީ ކުރިއަށްއޮތްތަނުގައި ސަބްސިޑީ ލިބިގެންދާނީ އޭގެ ހައްގުވެރިންނަށް ކަމަށެވެ.
އާންމުކޮށް ރާއްޖޭގައި ކެއިންބުއިމަށް ބޭނުންކުރާ ކާޑުގެ ބާވަތްތައް އަގުހެޔޮވެފައިވަނީ ދައުލަތުން ސަބްސިޑީގެ ގޮތުގައި ބޮޑު ހޭދައެއް ކުރާތީއެވެ. އެގޮތުން ބިދޭސީންނާއި ރިސޯޓްތަކުގައިވެސް ކެއިންބުއިމަށް ސަބްސިޑީދޭ ކާޑު ބޭނުންކުރެއެވެ. އެއަށް ދައުލަތުން ބޮޑު ހަރަދެއް ކުރެވެއެވެ.