ފާޅު ބޯޓް ހުއްޓިގެން ކަފުޖަހައިގެން ގެންނަނީ

ފާޅު ބޯޓް މާލެއިން ފުރައިގެން ކުޅުދުއްފުއްޓަށް ދަތުރުކުރަމުން އަންނަނިކޮށް އިންޖީނަށް މައްސަލައެއް ދިމާވެ ހުއްޓިއްޖެ އެވެ.

ބޯޓް ހުއްޓިފައިވަނީ ށ އަތޮޅަށް ވަން ފަހުންނެވެ. ބޯޓް ހުއްޓުނީ އިންޖީނުގެ އަޑީތެޔޮ ފިލްޓަރު ފަޅައިގެން ގޮސްގެންނެވެ.

މިހާރު ބާދުސާހް ބޯޓް ކަފުޖަހައިގެން ކުޅުދުއްފުއްޓާ ދިމާއަށް ވަނީ މިސްރާބު ޖަހައިފަ އެވެ. ކުޅުދުއްފުއްޓަށް އާދެވޭނީ ގާތްގަނޑަކަށް މެންދުރު 12:30 އެހާއިރު ކަމަށް މައުލޫމާތު ލިބެ އެވެ.

ފާޅުބޯޓްގައި 150 އަށްވުރެ ގިނަ މީހުން ތިބި ކަމަށް މައުލޫމާތު ލިބެ އެވެ.