ހދ އަތޮޅު ކައުންސިލުން 89 ހާސް ރުފިޔާ ހަރަދުކޮށްގެން އަތޮޅުގެ ރަށްތަކަށް ޑަސްޕިން ހަދިޔާކުރުމުގެ ޕްރޮގުރާމެއް ފަށައިފި އެވެ.
ސާފުތާހިރު ވެއްޓެއް ގާއިމްކުރުމަށް ހިތްވަރު ދިނުމުގެ މަގްސަދުގައި ކުރިއަށްގެންދާ މިޕްރޮގުރާމް ފެށުމުގެ ގޮތުން ފުރަތަމަ ޑަސްބިން ހަދިޔާކޮށްފައިވަނީ ހަނިމާދޫ ކައުންސިލަށެވެ. ހަނިމާދޫ ކައުންސިލަށް ޑަސްބިން ހަދިޔާކޮށްދެއްވީ އަތޮޅު ކައުންސިލުގެ ރައީސް އަހުމަދު އިބުރާހީމެވެ. ޑަސްޕިނާ ހަވާލުވީ ހަނިމާދޫ ކައުންސިލުގެ ރައީސް ހަސަން ޖައުފަރެވެ.
މިޕްރޮގުރާމްގެ ދަށުން ހދ އަތޮޅުގެ މީހުން އުޅޭ 13 ރަށަށް 240 ލީޓަރުގެ ޖުމްލަ 50 ޑަސްބިން ހަދިޔާކުރުމަށް ވަނީ ހަމަޖެހިފަ އެެވެ. އަތޮޅު ކައުންސިލުން ބުނީ ރަށްތަކަށް ޑަސްބިން ދޫކުރަނީ އާބާދީގެ ނިސްބަތަށް ބަލައިގެން ކަމަށެވެ. އެގޮތުން އެންމެ މަދުން މީހުން ދިރިއުޅޭ ރަށްށަކަށްވެސް 3 ޑަސްބިން ލިބޭނެކަމަށް އަތޮޅު ކައުންސިލުން ބުނެ އެވެ.
ހަނިމާދޫގެ އިތުރުން ނޮޅިވަރަންފަރާއި ފިނޭ ފަދަ ރަށްތަކަށް މިހާރު ޑަސްބިން ވަނީ ދޫކޮށްފަ އެވެ.
މިޑަސްބިންތައް ބަހައްޓާނެ ތަންތަން ކަނޑައަޅާނީ އެރަށެއްގެ ރަށު ކައުންސިލުންނެވެ.
ފާފު މަޝްރޫއު ހުއްޓުވި މީހުން ރަސްމާލެ މަޝްރޫއަށް ބަހެއް ނުބުނާތީ ޔާމީންގެ ނުރުހުން
ބިދޭސީންގެ މައްސަލަ އަންނަ މޭ މަހަށް ހައްލުވާނެ: އިހުސާން
ކުޅުދުއްފުށީގައި ތުތި ބޯވަދިލަމަސް ބޭނުމުގެ ތަމްރީނު ޕްރޮގްރާމެއް، ބައިވެރިވުމަށް ހުޅުވާލައިފި
ސާވިސް ޗާޖު ޑޮލަރުން ދޭން ލާޒިމްކުރާ ބިލް އަވަސްކޮށްދޭން އެދިއްޖެ
